Pisalema 76:6 - Xitsonga (Bibele)

⁶ Hi ku chavisa ka wena, Xikwembu xa Yakobo, Vakhandziyi va tietlelele ni tihanci ta vona.

BIBELE Mahungu Lamanene

⁶ We Xikwembu xa Yakobo, u lo na va tshinya, vo wela hansi ni tihanci ta vona.

Pisalema 76:6 Referans Kwoze

Eksoda 15:1

Kutani Muxe ni vana va Israele va yimbelela eka Yehovha risimu leri, va ku: “Ndzi ta yimbelela Yehovha, hikuva u titlakusile ngopfu; U wisile lwandle hanci ni mukhandziyi wa yona.

Eksoda 15:21

Meriyamu a pfumelelana na vona, a ku: “Tlangelani Yehovha, hikuva u tikurisile ngopfu; U wisile lwandle hanci ni mukhandziyi wa yona.”

Ezekiele 39:20

Mi ta xurha etafuleni ra mina hi tihanci to khandziyiwa ni ta tigolonyi, hi tinhenha ni vanhu va nyimpi hinkwavo,’ ku vula Hosi Yehovha.

Pisalema 80:16

Yi tshwile hi ndzilo, yi tsemiwile Va hela hi ku tshinya ka mombo wa wena.

Zakariya 12:4

Hi siku rolero, ku vula Yehovha, ndzi ta ba tihanci hinkwato hi ntshuko, ni vakhandziyi hi vuhlanyi; ndzi ta languta hi mahlo ya mina yindlu ya Yuda, tihanci hinkwato ta matiko ndzi ta ti ba hi ku ti swihata mahlo.

Nahume 3:18

Wena hosi ya Asiriya, varisi va wena va etlele; tinhenha ta wena ti sikamile; vanhu va wena va hangalake etintshaveni, a ku na loyi a va hlengeletaka!

Nahume 2:13

Vona, ndzi ta eka wena, ku vula Yehovha wa mavandla; ndzi ta hisa tigolonyi ta wena, ndzi ma hundzula musi, kutani tinghalanyana ta wena ti ta dyiwa hi fumu. Ndzi ta susa leswi phangiweke swa wena emisaveni, kutani rito ra varhumiwa va wena a ri nga ha twakali.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Yeremiya 51:57

Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.

Yeremiya 51:39

Kutakuloko va kufumela, ndzi ta va endlela nkhuvo, ndzi va pyopyisa, leswaku va ta tshuka, va kondza va ya etlela vurhongo lebyi nga heriki, va nga ha tlheli va pfuka, ku vula Yehovha.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Pisalema 104:7

Kakuloko u tshinya, ma tsutsuma; Ni loko ma twa rito ra mpfumawulo wa wena, Ma hatlisa ku tisusa.

Pisalema 18:15

Vuento bya lwandle byi humelela, Masungulo ya misava ma hluvuleka, Hi ku holova ka wena, Yehovha! Hi ku huhutela ka moya wa tinhompfu ta wena.

2 SAMIELE 10:18

Vasiriya va tsutsuma emahlweni ka Israele, kutani Davhida a dlaya swipani swa tigolonyi swa madzana ya ntlhanu na mambirhi swa Vasiriya, ni vakhandziyi va tihanci va 40 000; a tlhava na Xobaki ndhuna ya nyimpi a fa kona.

1 SAMIELE 26:12

Davhida a teka tlhari ni nghotsa evuseketelweni bya Sawulo, kutani va famba. Kambe a va voniwanga hi munhu ni ku tiviwa; a ku pfukanga na un'we, hikuva a va etlele hinkwavo; Yehovha a a va etlerisile hi vurhongo lebyo tika.

Eksoda 15:10

U huhutile hi ku hefemula ka wena: Elwandle ri va funengeta; Va mbombomela kukotisa ntsopfu, Exidziveni xa ku enta xa mati.

2 TIHOSI 19:35

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru; nimixo kuteloko va pfukile, maswivo va file hinkwavo.

2 TIKRONIKA 32:21

Kavaloko Yehovha a rhuma ntsumi leyi yi nga lovisa tinhenha hinkwato ni vafambisi, ni tindhuna emixaxeni ya hosi ya Asiriya; kutani Senakeribi a tlhelela etikweni ra yena a ri ni tingana; kutani, kuteloko a nghenile endlwini ya xikwembu xa yena, lava humeke exifungheni xa yena va n'wi dlaya kona hi tlhari.