Pisalema 74:1 - Xitsonga (Bibele)

¹ Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

BIBELE Mahungu Lamanene

¹ We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

Pisalema 74:1 Referans Kwoze

Duteronoma 29:20

Yehovha a nga ka a nga pfumeli ku n'wi rivalela, hikuva vukari bya Yehovha, ni rilondzo ra yena swi ta pfurhela munhu loyi; kutani makhombo hinkwawo lama tsariweke ebukwini leyi ma ta tshama ehenhla ka yena, kutani Yehovha u ta hlangula vito ra yena ehansi ka matilo.

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Pisalema 79:13

Kutani hina, tiko ra wena, ntlhambi lowu u wu risaka, Hi ta ku khensa hi laha ku nga heriki, Ni vatukulu va hina, va ta tama va vula ku dzuneka ka wena.

Pisalema 95:7

Hikuva hi yena Xikwembu xa hina. Kutani hina hi tiko leri risiwaka hi yena. Ntlhambi lowu fambisiwaka hi voko ra yena. Namuntlha loko mi yingisa rito ra yena,

Pisalema 44:9

Hambiswiritano u hi cukumetile, u hi funengete hi tingana, U tshikile ku huma ni tinyimpi ta hina;

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Ezekiele 34:31

N'wina, tinyimpfu ta mina, ntlhambi lowu ndzi wu risaka, mi vanhu; mina ndzi Xikwembu xa n'wina, ku vula Hosi, Yehovha.”

Yeremiya 31:37

Ku vula Yehovha: “Loko ku nga pimiwa matilo ya le henhla laha ma fikaka kona, ni masungulo ya misava ya le hansi laha ma helelaka kona, ndzi ta tshika rixaka hinkwaro ra Israele hikwalaho ka hinkwaswo leswi va swi endleke, ku vula Yehovha.”

Yeremiya 23:1

“Va ni khombo varisi lava onhaka, lava hangalasaka ntlhambi wa madyelo ya mina,” ku vula Yehovha.

Pisalema 79:5

Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?

Pisalema 77:7

“Xana Hosi yi ta cukumetela makumu xana? A yi nga ha tweli vusiwana xana?

Pisalema 42:11

Moya wa mina, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Ezekiele 34:8

Ndza hanya, ku vula Hosi Yehovha; hakunene hikuva ntlhambi wa mina wu ve timbhari, kutani tinyimpfu ta mina ti hundzuke swakudya swa swivandza hinkwaswo swa tiko hi ku pfumala murisi kutani varisi va mina va nga lavi tinyimpfu ta mina; kambe varisi va tiphamela, va nga phameri tinyimpfu ta mina,

Pisalema 78:1

Yingisa tidyondzo ta mina, tiko ranga; Rhiyani tindleve, mi yingisa marito ya nomu wa mina.

Pisalema 60:10

Xana a hi wena Xikwembu lexi ngi u hi cukumetile, Wena Xikwembu lexi ngi u nga ha humi ni tinyimpi ta hina xana?

Pisalema 60:1

Oho Xikwembu, u hi cukumetile, u hi hangalasile, U karihile: hi pfuxe sweswi!

Pisalema 42:9

Ndzi ku eka Xikwembu, ri nga ribye ra mina: “U ndzi rivele ha yini xana? Swi ndzi fanela ha yini ku famba hi xirilo, ndzi xanisiwa hi nala?”

Pisalema 18:8

Ku tlhandluka musi etinhompfini ta yena, Ni ndzilo lowu lovisaka enon'wini wa yena; Ku huma ka wona makala lama vavamelaka.

Pisalema 10:1

Oho Yehovha u yimela yini hitlhelo? U tifihlela yini enkarhini wa nhlomulo xana?

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

2 TIHOSI 21:14

Ndzi ta tshika lexi seleke xa ndzhaka ya mina, kutani ndzi ta va nyiketa emavokweni ya valala va vona; va ta phangiwa ni ku khomiwa hi valala hinkwavo va vona,

Pisalema 50:1

Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

Pisalema 77:8

Xana rirhandzu ra yona ri herile kunene? Xana rito ra yona ri hele matimba hi masiku ni masiku?

Pisalema 80:5

U ri phamela vuswa bya mihloti, Kutani u va nwisa mihloti hi mpimo lowukulu.

Pisalema 85:6

Xana u nge hi tlheriseri eku hanyeni xana? Leswaku tiko ra wena ri ku tsakela?

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Swirilo 5:22

Xana u hi tshikele makumu xana? Xana u hi hlunamele ku tlurisisa xana?