Pisalema 73:28 - Xitsonga (Bibele)

²⁸ Loko ndzi ri mina, ku tshinelela Xikwembu, i rifuwo ra mina. Ndzi vekile vuchavelo bya mina eka Hosi Yehovha, Leswaku ndzi ta amba mitirho ya wena hinkwayo.

BIBELE Mahungu Lamanene

²⁸ Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

Pisalema 73:28 Referans Kwoze

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Pisalema 65:4

Ku katekile loyi u n'wi hlawulaka, loyi u n'wi tshinetaka eka wena! U ta tiakela etihubyeni ta wena. Hi ta xurha hi rifuwo ra yindlu ya wena, Ni ku kwetsima ka tempele ya wena.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Pisalema 118:17

Ndzi nga ka ndzi nga fi, ndzi ta hanya, Kutani ndzi ta vula swiendlo swa Yehovha.

Pisalema 71:24

Ririmi ra mina ri ta vula ku lulama ka wena hi masiku hinkwawo. Hikuva va ta va ni tingana, va tshuka, lava lavaka ku ndzi lovisa.

Pisalema 84:10

Hikuva ku tshama siku rin'we endlwini ya wena, Swi tlula khume ra madzana kun'wana. Ndzi rhandza ku tshama erikupakupeni ra yindlu ya Xikwembu xanga, Ku tlula ku tshama emitsongeni ya lavo biha.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Pisalema 107:22

A swi humese magandzelo yo khensa, A swi twarise mitirho ya yena hi ku huwelela ka ku tsaka!

Pisalema 71:17

Oho Xikwembu! U ndzi dyondzisile ku sungula evuntshweni bya mina, Kutani ku fika sweswi, ndzi tshama ndzi vula swihlamariso swa wena.

Pisalema 66:16

Tanani, yingisani n'wina hinkwenu lava chavaka Xikwembu, Ndzi ta vula leswi xi swi endleleke moya wa mina.

Pisalema 14:6

Khomisani la nga ekhombyeni hi tingana eku tshembeni ka yena! Kasi Yehovha i xichavelo xa yena.

1 SAMIELE 14:36

Kutani Sawulo a ku: “A hi ngirimeleni, hi landza Vafilista nivusiku, hi va hlasela ku fikela nimixo, hi nga va siyeli munhu.” Kutani va ku: “Endla hinkwaswo leswi u swi rhandzaka.” Kambe muprista a ku: “A hi tshineleni ka Xikwembu kwala!”

Pisalema 71:15

Nomu wa mina wu ta twarisa ku lulama ka wena, Ni ku hlayiseka ka wena hi siku rin'wana ni rin'wana; Hikuva a ndzi tivi mpimo wa swona.