Pisalema 73:24 - Xitsonga (Bibele)

²⁴ U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

BIBELE Mahungu Lamanene

²⁴ u ndzi fambisa hi swiletelo swa wena, kutani eku heteleleni, u ta ndzi amukela eku dzunekeni ka wena.

Pisalema 73:24 Referans Kwoze

Pisalema 32:8

Ndzi ta ku tlharihisa ndzi ku komba ndlela leyi u faneleke ku famba ha yona; Ndzi ta ku letela, ni mahlo ya mina ma ta va eka wena.

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

Esaya 48:17

Ku vula sweswo Yehovha Mukutsuri wa wena, Muhlawuriwa wa Israele a ku: “Hi mina Yehovha, Xikwembu xa wena la ku dyondzisaka, a ku pfuna a ku fambisa endleleni leyi u faneleke ku famba ha yona.

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Pisalema 25:9

A fambisa eku lulameni lava olovaka etimbilwini, A dyondzisa lava titsongahataka ndlela ya yena.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Yohane 16:13

Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Esaya 58:8

“Ku vonakala ka wena ku ta ta kukota vurhonga ku hanyisiwa ka wena ku ta hatlisa ku mila ku lulama ka wena ku ta ku rhangela emahlweni; ku twala ka Yehovha ku ta ku heleketa.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Pisalema 49:15

Kambe Xikwembu xi ta kutsula moya wa mina exivandleni xa vafi, Hikuva xi ta ndzi tekela eka xona.

Pisalema 16:7

Ndzi vonga Yehovha, hikuva hi yena muleteri wa mina; Swi tsandza nivusiku, mbilu ya mina yi ndzi dyondzisa.

Yohane 17:5

Sweswi, wena Tatana, ndzi dzunise eka wena hi ku dzunisiwa loku ngi ndzi ri na kona eka wena, misava yi nga si va kona.

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yohane 14:3

Kutakuloko ndzi yile, ni loko ndzi mi lunghiserile vutshamo, ndzi ta tlhela ndzi vuya, ndzi mi teka mi ta eka mina, leswaku laha ndzi nga kona, mi va kona na n'wina.

Luka 11:13

Kutani-ke, leswi n'wina mi nga lavo biha mi tivaka ku nyika vana va n'wina leswo nandziha, Tatana la nga etilweni u ta tlurisa swonghasi ku nyika Moya lowo Kwetsima eka lava wu kombelaka eka yena?”

Swivuriso 8:20

Ndzi famba endleleni yo lulama, Ni le mitileni leyinene.

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

Luka 23:46

Kutani Yesu a huwelela hi rito lerikulu, a ku: “Tatana, ndzi nyiketa moya wa mina emavokweni ya wena.” Loko a ri karhi a vula sweswo, a fa.

Timhaka 7:59

Kakuloko va ri karhi va n'wi khandla, Stefano a khongela, a ku: “Hosi Yesu, amukela moya wa mina!”

Tinhlayo 9:22

Hambi papa ri yima ehenhla ka Yindlu masiku mambirhi, kumbe n'hweti, kumbe nkarhi lowo leha ku tlurisa, vana va Israele va tshama emixaxeni, a va nga suki; kutani loko ri suka, a va suka.

Duteronoma 18:2

Va nga ka va nga vi na ndzhaka exikarhi ka vamakwavo; Yehovha i ndzhaka ya vona hi laha a va byeleke hakona.