Pisalema 71:18 - Xitsonga (Bibele)

¹⁸ U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

BIBELE Mahungu Lamanene

¹⁸ Hambileswi ndzi baseke nhloko, u nga ndzi tshiki we Xikwembu, ndzi ta kota ku twarisa matimba ya wena lamakulu eka vanhu va nkarhi lowu ni ka lava va ha taka.

Pisalema 71:18 Referans Kwoze

Esaya 46:4

Ndzi ta va tano ku fika eku dyuhaleni ka n'wina; ndzi ta mi rhwala ku fika etimpfini ta n'wina. Ndzi mi endlile, kutani ndzi ta tshama ndzi mi rhwala; ndzi ta mi tiyisa, ndzi va ndzi mi ponisa!

Pisalema 71:9

U nga ndzi cukumeti enkarhini wa ku dyuhala ka mina, U nga ndzi tshiki loko matimba ya mina ma ta hela!

Pisalema 78:4

Hi nga ka hi nga swi fihleri vana va vona; Hi ta hlayela vatukulu swidzuniso swa Yehovha, Swin'we ni matimba ya yena ni mahlori lawa a nga ma endla.

Pisalema 78:6

Leswaku wu ta tiviwa hi rixaka leri tlhandlamaka, Hi vana lava nga ta velekiwa, Vona va ta kula, kutani va ta byela vana va vona,

Pisalema 22:31

Loko ri ta, ri ta vula ku lulama ka yena; Ri ta tivisa tiko leri nga ta tswariwa mitirho ya yena.

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

1 SAMIELE 4:18

Kakuloko a vula areka ya Xikwembu, Heli a wa hi xikosi, a ri exitshan'weni xa yena, kusuhi ni nyangwa, nhamu ya yena yi tshoveka, kutani a fa, hikuva a a ri munhu wa khale, wo tika. A a avanyisile Israele hi malembe ya 40.

Timhaka 13:36

Kasi loko a ri Davhida, kuteloko a hetile ntirho enkarhini wa yena lowu rhandziwaka hi Xikwembu, a tietlelela, a lahliwa eka vatata wa yena, kutani a va a bola.

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

1 SAMIELE 4:15

Heli a a ri ni malembe ya 98, mahlo ya yena a ma file, a a nga voni nchumu.

Eksoda 13:8

Hi kona u nga ta byela n'wana wa wena, u ku: ‘Lexi, i xitsundzuxo xa leswi Yehovha a ndzi endleleke swona loko ndzi huma eEgipta.’

Genesa 27:1

Kuteloko Isaka a dyuhele, ni mahlo ya yena ma hele matimba, a nga ha voni nchumu, a vitana Esawu, n'wana wa yena lowa mativula, a ku eka yena: “N'wananga!” Yena a ku: “Hi mina loyi.”

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.