Pisalema 69:21 - Xitsonga (Bibele)

²¹ Va ndzi nyika nyongwa, swi va swakudya swa mina; Ni ku tima torha ra mina, va ndzi nwisa ntsuvi.

BIBELE Mahungu Lamanene

²¹ Va ndzi phamele swakudya leswi cheriweke murhi wo dlaya, loko ndzi twa torha, va ndzi nwisa ntsuvi.

Pisalema 69:21 Referans Kwoze

Matewu 27:34

va n'wi nyika ntsuvi lowu hlanganisiweke ni nyongwa leswaku a nwa kambe loko a nantswile, a ala ku nwa.

Luka 23:36

Na tona tinhenha ti n'wi tseketsela, ti tshinela, ti n'wi nyika ntsuvi, ti ku eka yena:

Marka 15:23

Va n'wi nyika vhinyo leyi nga hlanganisiwa ni mirha, leswaku a nwa; kambe a nga yi nwanga.

Matewu 27:48

Kutani un'wana wa vona a tsutsuma, a ya teka xikhuvi a xi tata hi ntsuvi a xi tlhoma erihlangeni, a n'wi nyika a nwa.

Marka 15:36

Un'wana a tsutsuma, kuteloko a tatile xikhuvi hi ntsuvi, a xi tlhoma erihlangeni, a n'wi nwisa, a ku: “Tshikani, hi ta vona loko kunene Eliya a ta ta n'wi hawula.”

Yeremiya 9:15

Hikwalaho, ku vula Yehovha wa mavandla, Xikwembu xa Israele, a ku: “Vonani, ndzi ta dyisa tiko leri murhi wa absinta, kambe ndzi ta va nwisa mati lama bavaka.

Yeremiya 8:14

Hi tshamisela yini kwala? Hlengeletanani, hi ta nghena emitini ya makhokholo, hi fa kona, hikuva Yehovha, Xikwembu xa hina, u ta hi lovisa, u hi nwisile mati lama bavaka, hikuva hi dyohele Yehovha.

Duteronoma 29:18

“Ku nga tshuki ku va xikarhi ka n'wina wanuna, hambi wansati hambi yindlu, ni loko ri ri rixaka leri mbilu ya rona yi hambukaka namuntlha eka Yehovha, Xikwembu xa hina, ku ya tirhela swikwembu swa matiko lawa; ku nga tshuki ku va xikarhi ka n'wina, ni rimitsu leri humesaka tsefu, ni ku pyopya;

Yeremiya 23:15

Hikwalaho, ku vula Yehovha wa mavandla ematshan'weni ya vaprofeta valavo: “Vonani, ndzi ta va dyisa absinta, ndzi va nwisa mati ya ku vavisa, hikuva ku sandza ku hume eka vaprofeta va Yerusalema, ku ya emahlweni ka tiko hinkwaro.”

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Swirilo 1:9

Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.