Pisalema 69:12 - Xitsonga (Bibele)

¹² Lava tshamaka ehubyeni, va vulavula ha mina, Ndzi risimu ra lava phyophyaka.

BIBELE Mahungu Lamanene

¹² Lava dzumbaka enyangweni ya muti, va vulavula hi mina, va ndzi hlekula hi tinsimu emabyalweni.

Pisalema 69:12 Referans Kwoze

Luka 23:2

va sungula ku n'wi hehla, va ku: “Hi kumile munhu loyi a hlohlotela tiko, a tshimbisa vanhu ku humesela Khezari ndzuvo; naswona u tivula Kriste, hosi.”

Matewu 27:20

Kambe vaprista lavakulu ni vakulukumba va hlohlotela vunyingi leswaku va kombela Barabasi, Yesu, yena a dlawa.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Duteronoma 16:18

“U ta veka vaavanyisi ni vatsari emitini hinkwayo leyi Yehovha, Xikwembu xa wena, a nga ta ku nyika yona, hi tinxaka ta wena; va ta avanyisa tiko hi ku avanyisa loko lulama.

Genesa 19:1

Tintsumi letimbirhi ti fika eSodoma enkarhini wa madyambu, kutani Lota a a tshamile ehubyeni ya Sodoma. Kuteloko Lota a ti vona, a suka a ya hlangana na tona, a khinsama ehansi,

Pisalema 35:13

Kasi mina, eku vabyeni ka vona, a ndzi funengela tinguvu to khwaxa; A ndzi tsongahata moya wa mina hi ku titsona swakudya, Xikhongelo xa mina xi tlhela xi vuya exifuveni xa mina.

Yeremiya 20:7

Oho Yehovha, u tshama u ndzi khorwisa, kutani ndzi khorwile; u tshama u ndzi sindzisa hi matimba, kutani u ndzi hlurile; ndzi endliwa xihlekiso siku rin'wana ni rin'wana, va ndzi hleka hinkwavo.