Pisalema 68:34 - Xitsonga (Bibele)

³⁴ Nyikani Xikwembu matimba! Ku kwetsima ka xona ku le henhla ka Israele, matimba ya xona ma le mapapeni.

BIBELE Mahungu Lamanene

³⁴ Tivisani vanhu leswaku Xikwembu xi ni ntamu, vuhosi bya xona byi ungamela Vaisraele, xi fuma xi ri henhla ematilweni.

Pisalema 68:34 Referans Kwoze

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

2 Petro 1:17

Hikuva u nyikiwile hi Xikwembu Tatana, ku dzunisiwa ni ku kwetsima, siku rito leri ri teke eka yena, ri huma eku kwetsimeni loku tlurisaka, ri ku: “Loyi i n'wananga la rhandziwaka, yeloyi ndzi n'wi tsakelaka!”

Pisalema 150:1

Dzunisani Yehovha! Dzunisani Xikwembu evukwetsimelweni bya xona! Xi dzuniseni ematilweni lama endliweke hi matimba ya xona!

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Duteronoma 33:27

Xikwembu xa khale i vuchavelo! Mavoko lama nga heriki ma ku tlakusile. Xi hlongorile nala emahlweni ka wena, Kutani xi ku: ‘Herisa!’

Pisalema 29:4

Rito ra Yehovha ri ni matimba, Rito ra Yehovha ri twakala hi vukulu,