Pisalema 68:31 - Xitsonga (Bibele)

³¹ Tihosi letikulu ti ta ti pfa eEgipta; Etiyopiya a angwetla a tshambuluta mavoko eka Xikwembu.

BIBELE Mahungu Lamanene

³¹ Va le Egipta va ta humesa swibya swa koporo, va le Etiyopiya va ta khongela Xikwembu va tlakusile mavoko.

Pisalema 68:31 Referans Kwoze

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Sofoniya 3:10

Vakhongeri va mina va nga va tiko ra mina lava hangalakeke va ta ta, va pfa etikweni leri nge hase ka milambu ya Kuxi, va ndzi tisela tinyiko.

Pisalema 44:20

Loko ngi hi rivele vito ra Xikwembu xa hina, Hi tshambulutele swikwembu swimbe mavoko ya hina,

Pisalema 143:6

Ndzi tlakusa mavoko ya mina eka wena, Moya wanga wu ni torha hikwalaho ka wena, kukota misava leyi omeke.

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Pisalema 88:9

Mahlo ya mina ma hela hi ku vaviseka; Oho Yehovha! Ndza ku khongela hi masiku hinkwawo. Ndzi tshambuluta mavoko ya mina eka wena.

1 TIHOSI 8:22

Kutani Solomoni a yima emahlweni ka alitari ya Yehovha, emahlweni ka nhlengeletano hinkwayo ya Israele, a tlakusa mavoko ya yena ehenhla, a ku: