Pisalema 68:22 - Xitsonga (Bibele)

²² Hosi yi te: “Ndzi ta va tlherisa va pfa eBaxani; Ndzi va humesa exidziveni xa lwandle,

BIBELE Mahungu Lamanene

²² N'wini wa hinkwaswo ú te: “Valala va mina, ndzi ta va hlongola va suka eBaxani, ndzi ta va tsavula elwandle.

Pisalema 68:22 Referans Kwoze

Tinhlayo 21:33

Kutani va hundzuka, va khandziya hitlhelo ra Baxani. Kutani Ogo, hosi ya Baxani, a huma ku ya hlangana na vona eEdreyi, a ri ni tiko ra yena hinkwaro, a lava ku lwa na vona.

Ezekiele 36:24

“Ndzi ta mi humesa ematikweni ndzi mi hlengeleta exikarhi ka matiko hinkwawo, ndzi mi vuyisa etikweni ra n'wina;

Esaya 49:22

U vula sweswo Hosi Yehovha, u ri: “Ndzi ta tlakusela voko ra mina eka matiko, ndzi ta yimisa mujeko wa mina eka matiko kutani va ta vuyisa vana va wena va xinuna emavokweni ya vona, ni vana va wena va xisati emakatleni ya vona.

Eksoda 14:29

Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

Eksoda 14:22

Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

Pisalema 110:6

Yi ta rihisa exikarhi ka matiko: hinkwako ku ta tala mitsumbu. Yi ta faya tinhloko etikweni lerikulu ngopfu,