Pisalema 68:18 - Xitsonga (Bibele)

¹⁸ U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

BIBELE Mahungu Lamanene

¹⁸ We Xikwembu, u tlhandlukele entshaveni leyo leha u ri karhi u fambisa lava u va khomeke enyimpini; u amukerile tinyiko eka vanhu, hambi ti ri ta lava tiarisaka, kutani u ta tshama exivandleni xexo we Xikwembu.

Pisalema 68:18 Referans Kwoze

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Vaavanyisi 5:12

Pfuka, pfuka, Debora! Pfuka, pfuka, u vula risimu! Pfuka Baraka, u fambisa lava u va khomeke, n'wana Abinowama!

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Timhaka 2:4

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Yohane 16:7

Hambiswiritano, ndza mi byela leswi tiyeke, ndzi ri: Swi sasekile eka n'wina loko ndzi famba; hikuva loko ndzi nga fambi, Muchaveleri a nga ka a nga ti eka n'wina; kambe loko ndzi famba, ndzi ta n'wi rhuma eka n'wina.

Yohane 14:23

Yesu a hlamula a ku eka yena: “Kungakuloko munhu a ndzi rhandza, u ta hlayisa marito ya mina, kutani Tatana u ta n'wi rhandza, kutani hi ta ta eka yena, hi aka eka yena.

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Pisalema 47:5

Xikwembu xi tlhandlukile exikarhi ka huwa ya ku tsaka; Yehovha u humelele hi mpfumawulo wa nanga.

Pisalema 24:3

I mani la nga ta tlhandlukela entshaveni ya Yehovha? Kambe i mani la nga ta tshama evukwetsimelweni bya yena?

Vakolosa 2:9

Hikuva ku tala ka vukwembu hinkwabyo ku akile eka yena hi miri.

Pisalema 78:60

Xi tshika vuako bya Xilo, Ntsonga lowu ngi xi tshame eka wona exikarhi ka vanhu,

Vakolosa 2:3

yeloyi, ku fuwa hinkwako ka vunene ni vutivi swi fihliweke eka yena.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

2 TIKRONIKA 6:18

“Kambe xana kunene Xikwembu xi nga aka ni munhu emisaveni xana? Waswivo, matilo, ni matilo ya matilo ma nga ka ma nga ku ringani; swi tsandza ni yindlu leyi ndzi yi akeke!

Nhlavutelo 1:20

xihundla xa tinyeleti ta ntlhanu na timbirhi leti u ti voneke evokweni ra mina ra xinene, ni xa tikandelari ta nsuku, hi xo lexi: Tinyeleti ta ntlhanu na timbirhi, i tintsumi ta tikereke ta ntlhanu na timbirhi; kutani tikandelari ta ntlhanu na timbirhi, i tikereke ta ntlhanu na timbirhi.

Vaheveru 8:1

Kutani nhloko ya timhaka leti vuriweke hileswaku, hi ni muprista lonkulu lowo tano, la tshamaka evokweni ra xinene ra xiluvelo xa vuhosi le matilweni,

Vaheveru 6:20

laha Yesu a ngheneke hikwalaho ka hina, a ri murhangeri wa hina, a va a vekiwa muprista lonkulu hilaha ku nga heriki, hi mukhuva wa Melkisedeke.

Vaheveru 4:14

Hikwalaho, leswi hi nga ni muprista lonkulu ngopfu, la tsemakanyeke matilo, a nga Yesu, N'wana wa Xikwembu, a hi tiyiseleni eka lexi hi tivuleke xona.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Timhaka 9:17

Ananiya a famba, kutani a nghena endlwini, a n'wi tlhandleka mavoko, a ku: “Sawulo, makwerhu, Hosi Yesu la tikombiseke eka wena endleleni leyi u nga ta ha yona, u ndzi rhumile leswaku u tlhela u vona, ni leswaku u tala Moya lowo Kwetsima.”

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Luka 24:51

Kuteloko a ha va katekisa, a avana na vona, a tlhandlukisiwela ehenhla etilweni.

Luka 24:49

Kambe tshamani emutini wa Yerusalema, ku fikela siku leri mi nga ta funengetiwa hi matimba ya le henhla.”

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Marka 16:9

Kambe Yesu, kuteloko a pfukile empundzwini wa siku lero sungula ra vhiki a tikombisa eku sunguleni eka Mariya wa Magadala, loyi a hlongoleke mademona ya ntlhanu na mambirhi eka yena.

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Ezekiele 48:35

Loko ku tingiwa, va pima swisungunhu swa 18 000. Ku suka siku rolero, vito ra muti va ta ku: ‘Yehovha u kona la.’ ”

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Pisalema 7:7

Nhlengeletano ya matiko a yi ku rhendzele! U khandziya endhawini leyi tlakukeke, u va ungamela!

Duteronoma 33:2

“Yehovha u hume Sinayi, U va tsuvukele a ri Seyira; U vonakile a ri entshaveni ya Parani, U suke exikarhi ka mavandla layo kwetsima. Evokweni ra xinene ra yena, ndzilo wa nawu wu va humelele.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?