Pisalema 68:1 - Xitsonga (Bibele)

¹ Xikwembu a xi pfuke, valala va xona a va hangalake, Ni lava xi vengaka a va tsutsume emahlweni ka xona.

BIBELE Mahungu Lamanene

¹ Loko Xikwembu xi humelela, valala va xona va hangalaka, lava va xi vengaka, va suka va tsutsuma.

Pisalema 68:1 Referans Kwoze

Tinhlayo 10:35

Eku sukeni ka areka, Muxe a a ku: “Pfuka, Yehovha! Valala va wena a va hangalasiwe, lava ku vengaka a va hlongorisiwe emahlweni ka wena.”

Pisalema 44:26

Pfuka, u ta hi pfuna! Hi kutsule hikwalaho ka vunene bya wena!

Pisalema 89:10

U phyandlasile Egipta kukota munhu la feke, U hangalasile valala va wena hi matimba ya voko ra wena,

Esaya 33:3

Hi rito ra wena leri pfumaka, vamatiko va baleka; loko u pfuka, matiko ma hangalaka.

2 TIKRONIKA 6:41

Sweswi, Yehovha Xikwembu, pfuka u ta endhawini ya ku wisa ka wena, wena ni areka ya matimba ya wena! Yehovha Xikwembu, vaprista va wena a va funengetiwe hi ku hlayiseka, ni lava ku rhandzaka a va titsakele eku tsakeni ka vona.

Pisalema 68:30

Tshinya xiharhi lexi nga enhlangeni, Ntlhambi wa tinkunzi, kun'we ni marhole ya vamatiko, Va ta khinsama ni xuma xa silivhere. Hangalasa matiko lama rhandzaka ku lwa!

Pisalema 68:14

Siku La nga ni matimba hinkwawo a hangalaseke tihosi etikweni, Misava yi basa [hi marhambu] kukotisa gamboko ehenhla ka Salimoni.

Pisalema 59:11

U nga va dlayi leswaku kumbe tiko ra mina ri swi rivala; U va hangalasa hi matimba ya wena, u va wisela ehansi, Wena Hosi, xitlhangu xa hina!

Pisalema 21:8

Voko ra wena ri ta khoma valala va wena hinkwavo, Voko ra wena ra xinene ri ta kuma lava ku vengaka.

Duteronoma 7:10

kambe u rihisa lava n'wi vengaka, hi ku va heta; a nga hlweri ku rihisa la n'wi vengaka.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Daniele 2:35

Sweswo ku fayiwa kan'we nsimbhi, ni vumba, ni koporo, ni silivhere, ni nsuku, swi kotisa mungu exivuyeni; swi kukuriwa hi mheho, swi nga ha ri na ndhawu. Kambe ribye leri ngi ri himile xifaniso, ri hundzuka ntshava leyikulu, ri tata misava hinkwayo.

Ezekiele 5:2

U ta hisa ku avanyisa ka vunharhu hi ndzilo exikarhi ka muti, loko masiku ya ku hlaseriwa ka muti ma ta va ma herile; u vuya u teka ku avanyisa ka vunharhu kun'wana, u ku tsemelela hi rikari ematlhelweni ya muti, kutani ku avanyisa ka vunharhu loku seleke, u ta ku cukumeta ku hahisiwa hi moya; kutani ndzi ta swi hlongorisa hi tlhari.