Pisalema 66:16 - Xitsonga (Bibele)

¹⁶ Tanani, yingisani n'wina hinkwenu lava chavaka Xikwembu, Ndzi ta vula leswi xi swi endleleke moya wa mina.

BIBELE Mahungu Lamanene

¹⁶ N'wina hinkwenu lava chavaka Xikwembu, tanani mi ta twa, ndzi mi byela leswi xi ndzi endleleke swona.

Pisalema 66:16 Referans Kwoze

Pisalema 34:11

Tanani vana, mi ndzi yingisela, Ndzi ta mi dyondzisa xichavo xa Yehovha.

Pisalema 71:15

Nomu wa mina wu ta twarisa ku lulama ka wena, Ni ku hlayiseka ka wena hi siku rin'wana ni rin'wana; Hikuva a ndzi tivi mpimo wa swona.

Malakiya 3:16

Kwalaho lava chavaka Yehovha va vulavula kun'we, un'wana ni makwavo, kutani Yehovha a rhiya ndleve, a yingisela; buku ya xitsundzuxo yi tsariwa emahlweni ka yena, yi tsaleriwa lava chavaka Yehovha ni lava tsundzukaka vito ra yena.

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

Pisalema 66:5

Tanani, mi vona mitirho ya Xikwembu; Xa chaviseka eku endleni ka xona ehenhla ka vana va vanhu;

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.

Pisalema 71:24

Ririmi ra mina ri ta vula ku lulama ka wena hi masiku hinkwawo. Hikuva va ta va ni tingana, va tshuka, lava lavaka ku ndzi lovisa.

Pisalema 71:20

U hi nghenisile emakhombyeni ya ku tala ni le ku vavisekeni; Kambe u ta tlhela u hi hanyisa, U ta tlhela u hi humesa emakheleni ya misava.

Pisalema 34:2

Moya wanga wu ta tidzunisa ha Yehovha; Lava nga ni khombo va ta swi yingisa, va tsaka.

Yeremiya 51:10

Yehovha u vonakisile ku lulama ka hina; tanani, hi byela Siyoni mitirho ya Yehovha, Xikwembu xa hina.