Pisalema 63:9 - Xitsonga (Bibele)

⁹ Kambe lava lavaka ku susa vutomi bya mina, Va ta xikela ehansi, endzeni ka misava;

BIBELE Mahungu Lamanene

⁹ Kambe lava ringetaka ku ndzi dlaya, a ku rhange vona va ya exivandleni xa vafi.

Pisalema 63:9 Referans Kwoze

Pisalema 55:15

Rifu a ri va khome hi xipuku, A va ngirimele exivandleni xa vafi va ha hanya! Hikuva ku homboloka ku le tindlwini ta vona, ni le xikarhi ka vona.

Pisalema 40:14

A va kanakane, a va khomiwe hinkwavo hi tingana Lava lavaka vutomi bya mina ku byi susa; A va tlhelele endzhaku, a va khomiwe hi tingana, Lava tsakelaka ku onhaka ka mina!

Pisalema 9:17

Lavo homboloka va ta tlhelela exivandleni xa vafi, Ni matiko hinkwawo lama rivalaka Xikwembu.

Pisalema 86:13

Hikuva vunene bya wena eka mina, byikulu, U ponisile moya wa mina exivandleni xa vafi.

1 SAMIELE 25:29

Loko munhu a pfuka ku ku landzela ni ku lava vutomi bya wena, vutomi bya hosi yanga byi ta hlayiseka eka Yehovha, Xikwembu xa wena, enyandzeni ya vahanyi; loko byi ri vutomi bya valala va wena, u ta byi cukumeta ekule hi xipelupelu.

Esaya 14:19

kambe wena u cukumetiwile ekule ni sirha ra wena, tanihi hluke lero biha leri sandziwaka, tanihi nguvu ya vanhu lava dlayiweke hi fumu, lava cukumetiweke exikarhi ka maribye ya sirha, tanihi ntsumbu lowu kandziyeriwaka hi mikondzo.

Esaya 14:15

Kasi u wisiwe le xivandleni xa vafi, ekheleni leri enteke ngopfu!

Esaya 14:9

“Ni le hansi, xivandla xa vafi xi ni nkitsikitsi wa ku hlangana na wena: xi ku pfuxela vafi, ni tihosi hinkwato ta misava; xi pfuxile eswiluvelweni swa tona tihosi hinkwato ta matiko.

Pisalema 70:2

A va khomiwe hi tingana, va rhurhumela, lava lavaka vutomi bya mina! A va tlhelele endzhaku, va sandziwa, lava rhandzaka ku onhaka ka mina!

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Pisalema 38:12

Lava lavaka vutomi bya mina va ndzi rhiyela mitlhamu; Lava ndzi lavelaka swo biha, va vulavula swa lunya, Va anakanya ku kanganyisa siku hinkwaro.

Pisalema 35:26

A va khomiwe hi tingana, a va kanakanisiwe kun'we Lava tsakelaka swo biha leswi ndzi telaka! A va funengetiwe hi tingana ni xisandzu Lava tikurisaka ehenhla ka mina!

Pisalema 35:4

A va kanakane, a va khomiwe hi tingana, lava lavaka vutomi bya mina! A va tlhelele endzhaku, a va kanakane, lava ehleketaka ku ndzi lovisa!

Ntirho 40:13

U va lahla hinkwavo entshurini, U yimbela mimombo ya vona emunyameni!

Timhaka 1:25

leswaku a teka vutshamo bya ntirho lowu ni vuapostola lebyi Yudasi a byi tshikeke ku ya exivandleni xa yena.”

1 SAMIELE 28:19

Na swona Yehovha u ta nyiketa Israele na wena emavokweni ya Vafilista; kutani mundzuku, wena ni vana va wena mi ta va na mina. Yehovha u ta nyiketa ni mixaxa ya Israele emavokweni ya Vafilista.”

Pisalema 18:36

U anamisile ndlela ehansi ka mikondzo ya mina, Kutani milenge ya mina a yi rhetemuki.

Risimu ra Tinsimu 8:5

I mani loyi a tlhandlukaka, a pfa emananga, A tiseketele eka murhandziwa wa yena? Ndzi ku pfuxile u ri ehansi ka mirhi ya maapula, Laha u velekiweke kona hi mana wa wena, U twile ku vaviseka kona loyi a ku velekeke.