Pisalema 61:2 - Xitsonga (Bibele)

² Ndzi huwelela eka wena ndzi ri emakun'wini ya misava, eku heleni ka mbilu ya mina; Ndzi fambise eribyeni leri ndzi hlulekaka ku khandziya ka rona!

BIBELE Mahungu Lamanene

² Ndza ku vitana ndzi ri emakun'wini ya misava, hikuva mbilu ya mina yi herile ntamu. Ndzi fikise ekhokholweni leri ndzi nga ta hlayiseka eka rona,

Pisalema 61:2 Referans Kwoze

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Pisalema 62:6

Kunene hi xona ribye ranga ni ku hlayiseka ka mina; Vuchavelo byanga lebyi tlakukeke, ndzi nga ka ndzi nga tsekatsekisiwi.

Pisalema 77:3

Loko ndzi ringeta ku tsundzuka Xikwembu, ndza konya; Ndzi anakanya, kutani moya wa mina wu karhala.

Pisalema 62:2

Kunene hi xona xi nga ribye ra nga ni ku hlayiseka ka mina! I vuchavelo bya nga lebyi tlakukeke, ndzi nga ka ndzi nga tsekatsekisiwi ngopfu.

Pisalema 18:46

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!

Duteronoma 4:29

Hi kona mi nga ta lava Yehovha, Xikwembu xa n'wina, kutani, kutakuloko u xi lava hi mbilu hinkwayo ya wena, ni moya hinkwawo wa wena, u ta xi kuma.

Pisalema 27:5

Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.

Pisalema 142:3

Loko moya wa mina wu ri ni gome endzeni ka mina, Wena wa yi tiva ndlela ya mina. Va ndzi rhiyile hi ntlhamu endleleni leyi ndzi fambaka ka yona.

Pisalema 40:2

U ndzi humesile ekheleni ra ku onhaka, ni le tshobyeni ra ndzhope; U vekile mikondzo ya nga eribyeni, a tiyisa ku famba ka mina.

Esaya 54:11

“Nsati wa khombo, wena la biweke hi xidzedze, la pfumalaka muchaveleri! Vona, ndzi ta bombisa maribye ya wena hi lexo basa, ndzi ta ku endlela masungulo ya safiri.

Pisalema 55:5

Ku chava ni ku rhurhumela swi ndzi wele ehenhla, Ku tsekatseka ku ndzi khomile hinkwako.

Pisalema 143:4

Moya wa mina wu ni gome endzeni ka mina, Kutani mbilu ya mina yi kanakaneka endzeni ka mina.

Pisalema 43:5

Moya wanga, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina, ni Xikwembu xa mina.

Pisalema 42:6

Xikwembu xanga! Moya wa mina wu hele ntamu endzeni ka mina: Hikwalaho ndzi anakanya wena ndzi ri etikweni ra Yordani, Na Hermoni, ni le ntshaveni ya Mizara.

Luka 22:44

Kakuloko a ri emaxangwini lamakulu, a tiyisa matimba ku khongela; kavaloko nyuku wa yena wu xiririka, wu fana ni mathonsi ya ngati lama tshonelaka emisaveni.

Pisalema 17:1

Yehovha! Yingisa ku lulama, u yingisela ku huwelela ka mina; U ndzi twa loko ndzi khongela hi nomu lowu nga riki na ku xisa!