Pisalema 6:4 - Xitsonga (Bibele)

⁴ Tlhela, Yehovha! U tshunxa moya wa mina; U ndzi ponisa hikwalaho ka tintswalo ta wena.

BIBELE Mahungu Lamanene

⁴ Vuya HOSI, u ta ndzi lamulela, ndzi ponise, hikuva rirhandzu ra wena ra tshembeka.

Pisalema 6:4 Referans Kwoze

Daniele 9:18

Rhiya ndleve, Xikwembu xa mina, u yingisa; hanyanya, u languta marhumbi ya hina, ni muti lowu vuriwaka hi vito ra wena, hikuva ni loko hi veka swikhongelo emahlweni ka wena, a hileswaku hi tidzunisa hi ku lulama ka hina, kambe swi ri ntsena hikwalaho ka tintswalo letikulu ta wena.

Pisalema 17:13

Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Pisalema 121:7

Yehovha u ta ku sirhela eku biheni hinkwako, U ta hlayisa moya wa wena.

Pisalema 116:4

Kutani ndzi khongerile vito ra Yehovha: “Oho Yehovha, ponisa moya wanga!”

Pisalema 90:13

Vuya, Yehovha! U ta hlwela ku yisa kwihi? U va u tsetselela malandza ya wena!

Pisalema 80:14

Oho vuya, Xikwembu xa tinyimpi! Languta, u ri etilweni, kutani u vona! U xiya vhinya leyi, u yi hlayisa!

Pisalema 22:20

U lwela vutomi bya mina etlharini, Ni moya wa mina emin'waleni ya timbyana.

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Esaya 38:17

Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

Pisalema 120:2

Yehovha, lamulela moya wa mina enon'wini wa muhembi, Eririn'wini leri kanganyisaka.

Pisalema 116:8

Ina, u lamurile moya wanga eku feni, Mahlo ya mina eswirilweni, ni milenge ya mina eku weni.

Pisalema 86:13

Hikuva vunene bya wena eka mina, byikulu, U ponisile moya wa mina exivandleni xa vafi.

Pisalema 69:13

Kambe mina, ndza ku khongela, oho Yehovha! Hi nkarhi lowunene wa vukulu bya tintswalo ta wena Xikwembu; Ndzi hlamule hi vunene bya ku hlayiseka ka wena.

Pisalema 25:7

U nga anakanyi swidyoho swa vuntshwa bya mina, ni ku tlula ka mina; U ndzi anakanya hi nsovo wa wena, Hikwalaho ka tintswalo ta wena, oho Yehovha!

Pisalema 13:2

Moya wa mina wu ta tivilerisa ku yini, Ni mbilu ya mina yi ta va ni nhlomulo hi masiku ku yisa kwihi? Nala wa mina u ta tshika rini ku ndzi pfukela?

Pisalema 74:10

Oho Xikwembu! Muxanisi u ta sandza ku yisa kwihi? Xana nala u ta sola vito ra wena hi masiku ni masiku?

Pisalema 79:5

Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?