Pisalema 58:1 - Xitsonga (Bibele)

¹ Xana loko mi miyela, mi nga avanyisa hi ku lulama xana? Xana mi avanyisa hi ku lulama n'wina vana va vanhu-ke?

BIBELE Mahungu Lamanene

¹ N'wina varhangeri, xana hakunene mi avanyisa hi ku lulama xana? Xana mi avanyisela vanhu timhaka ta vona hilaha swi fanelaka hakona xana?

Pisalema 58:1 Referans Kwoze

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Matewu 26:3

Enkarhini wolowo, vaprista lavakulu ni vatsari, ni vakulukumba va tiko, va hlengeletana ehubyeni ya muprista lonkulu la vuriwaka Kayafasi,

Pisalema 59:1

Xikwembu xanga! Ndzi lwele eka lava ndzi vengaka! Ndzi veke ekule ni valala va mina.

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

2 SAMIELE 5:3

Kutani vakulukumba hinkwavo va Israele va ta ehosini, eHebroni, kutani hosi Davhida a endla xinakulobye na vona, eHebroni, emahlweni ka Yehovha; kutani va chela Davhida hi mafurha va n'wi veka hosi ya Israele.

Tinhlayo 11:16

Kutani Yehovha a ku eka Muxe: “Ndzi hlengeletele vavanuna va 70, vakulukumba va Israele, lava u va tivaka leswaku vakulu va tiko, ni vanhu lava vulavulaka timhaka; u va tisa etabernakeleni ya nhlengeletano va ta yima kona na wena.

Timhaka 5:21

Kuteloko va twile sweswo, va nghena etempeleni loko ri xa, kutani va dyondzisa kona.

Matewu 27:1

Kuteloko byi xile, vaprista hinkwavo ni vakulukumba va tiko va kanela ku dlaya Yesu.

Esaya 32:1

Vonani, hosi yi ta fuma hi ku lulama, tihosana, na tona, ti ta risa hi ku lulama.