Pisalema 54:5 - Xitsonga (Bibele)

⁵ Yi ta tlherisela lava ndzi vengaka ku biha. U va heta hi vutshembeki bya wena,

BIBELE Mahungu Lamanene

⁵ ú ta ba valala va mina a va bela vubihi bya vona. We Xikwembu, leswi u tshembekeke, va herise va ku bi!

Pisalema 54:5 Referans Kwoze

Pisalema 143:12

Hi tintswalo ta wena, lovisa valala va mina, Herisa hinkwavo lava xanisaka moya wa mina! Hikuva ndzi nandza wa wena.

Pisalema 89:49

Oho Yehovha, ti kwihi tintswalo ta wena leto sungula, Leti u nga hlambanyela Davhida ha tona hi ku tshembeka ka wena?

Pisalema 94:23

U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.

Pisalema 31:23

Rhandzani Yehovha, n'wina hinkwenu varhandziwa va yena. Yehovha u hlayisa lava tshembekaka, Kambe u tlherisela eka la tikurisaka, hinkwaswo leswi n'wi faneleke.

Pisalema 27:11

Yehovha, ndzi kombise ndlela ya wena, U ndzi fambisa endleleni leyi lulameke, Hikwalaho ka lava nga valala eka mina.

Nhlavutelo 18:6

N'wi hakeleni kukotisa leswi a mi hakeleke; n'wi rihiseni kambirhi ku ringanisa mitirho ya yena; exinwelweni lexi a cheleke eka xona, n'wi cheleleni kambirhi.

2 Timotiya 4:14

Aleksandro, mufuri wa nsuku, u ndzi pfuxele makhombo layo tala; Hosi yi ta n'wi tlherisela leswi faneleke mitirho ya yena!

Pisalema 137:8

Nhwanyana wa Babilona, la nga ta hundzuka rhumbi, Ku katekile la nga ta tlherisela eka wena leswi u hi endleleke swona!

Pisalema 5:8

Yehovha, ndzi fambise eku lulameni ka wena hikwalaho ka lava lwaka na mina. U lunghisa ndlela ya mina emahlweni ka mina.

Pisalema 143:1

Yehovha, yingisa xikhongelo xa mina; U rhiya ndleve, u yingisa ku khongela ka mina! Ndzi hlamule hikwalaho ka vutshembeki bya wena, ni ku lulama ka wena.

Pisalema 86:14

Oho Xikwembu, vakanganyisi va ndzi pfukele, Vandla ra vanhu lava hlundzukaka va lava vutomi bya mina; Meehleketo ya vona a yi kongomi eka wena.