Pisalema 54:4 - Xitsonga (Bibele)

⁴ Vonani, Xikwembu i mupfuni wa nga, Hosi yi le xikarhi ka lava seketelaka moya wa mina.

BIBELE Mahungu Lamanene

⁴ Xikwembu i mulweri wa mina, N'wini wa hinkwaswo hi yena la tameleke vutomi bya mina,

Pisalema 54:4 Referans Kwoze

Vaheveru 13:6

Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 118:13

A wu ndzi susumeta hi matimba ku ndzi wisa, Kambe Yehovha u ndzi pfunile.

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

1 TIKRONIKA 12:18

Kavaloko Moya wu ta eka Amasayi ndhuna ya tinhenha, a ku: “Hi vanhu va wena, Davhida, hi na wena, n'wana Yese! Ku rhula, ku rhula a ku ve na wena, ku rhula ku va na loyi a ku pfunaka, hikuva Xikwembu xa wena xi ku pfunile.” Kutani Davhida a va amukela, a va veka exikarhi ka tindhuna ta nyimpi ya yena.

Pisalema 41:12

Kambe wa ndzi tiyisa eku tengeni ka mina, Kutani wa ndzi veka emahlweni ka wena hi masiku.

Pisalema 17:1

Yehovha! Yingisa ku lulama, u yingisela ku huwelela ka mina; U ndzi twa loko ndzi khongela hi nomu lowu nga riki na ku xisa!