Pisalema 51:14 - Xitsonga (Bibele)

¹⁴ Oho Xikwembu, Xikwembu xa ku hlayiseka ka mina! Ndzi kutsule ka ngati leyi halatiweke, Kutani ririmi ra mina ri ta twarisa ku lulama ka wena.

BIBELE Mahungu Lamanene

¹⁴ We Xikwembu, wena Muponisi wanga, ndzi humese enandzwini wa ngati leyi halatiweke, kutani ndzi ta yimbelela ndzi ku twarisa, wena Mukutsuri.

Pisalema 51:14 Referans Kwoze

Pisalema 35:28

Ririmi ra mina ri ta vula ku lulama ka wena, Ri ta vula ku dzuna ka wena hi masiku.

2 SAMIELE 12:9

U sandzise ku yini rito ra Yehovha u endla leswi biheke emahlweni ka yena? U dlayile Uriya wa ka Hiti hi tlhari, u tekile nsati wa yena u n'wi endla nsati wa wena; kambe u n'wi dlayile hi tlhari ra vana va Amoni.

Varhoma 10:3

hikuva hi ku ka va nga tivi ku lulama ka Xikwembu, va lavile ku yimisa ku lulama ka vona; hikwalaho a va tivekanga ehansi ka ku lulama ka Xikwembu.

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Pisalema 26:9

U nga susi moya wanga swin'we ni vadyohi. Ni vutomi byanga swin'we ni vanhu va ngati,

Genesa 9:6

Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

Timhaka 20:26

Hikwalaho siku ra namuntlha ndzi tiyisa leswaku a ndzi na nandzu engatini ya n'wina hinkwenu;

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Habakuku 3:18

Kambe mina, ndzi ta titsakela eka Yehovha, ndzi tsakisisa eka Xikwembu xa ku ponisiwa ka mina.

Daniele 9:16

Oho Hosi! Hi ku lulama ka wena hinkwako, wa nga susa ku kariha ni ku leva ka wena eka muti wa wena wa Yerusalema, yi nga ntshava ya wena leyi hlawuriweke! Hikuva hikwalaho ka swidyoho swa hina, ni ku homboloka ka vatata wa hina, Yerusalema, ni tiko ra wena ri endliwe xisandzu eka hinkwavo lava hi rhendzelaka.

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Ezekiele 33:8

Loko ndzi vula eka mubihi, ndzi ku: Mubihi, u ta fa hi rifu; kambe wena u nga vulavuli ku tsundzuxa mubihi a tshika ndlela ya yena; lowo biha u ta fa hi ku biha ka yena; kambe ngati ya yena ndzi ta yi lava evokweni ra wena.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Pisalema 88:1

Oho Yehovha, Xikwembu xa ku hlayiseka ka mina! Ndzi huwelela eka wena nhlekanhi ni vusiku.

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Pisalema 38:22

Hatlisa u ndzi pfuna, Hosi, wena loyi u nga ku hlayiseka ka mina!

Pisalema 25:5

Ndzi fambise entiyisweni wa wena u ri karhi u ndzi dyondzisa; Hikuva hi wena Xikwembu xa ku hlayiseka ka mina; Hi masiku, ndzi ku tshembile.

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Ezra 9:13

“Loko ku ri laha hi nga humelela hi leswo tala, hikwalaho ka ku endla ka hina ka ku biha, ni milandzu leyikulu ya hina (kasi wena Xikwembu xa hina, u hi tsetselele, a ku hi banga hi ku biwa loku ringanaka ni makhombo ya hina, u tlhele u hi hlayisela masalela layonghasi);

2 SAMIELE 21:1

Emikarhini ya Davhida a ku ri ni ndlala ya malembe manharhu; lembe ri landza lembekulobye; Davhida a lava mombo wa Yehovha, kutani Yehovha a ku: “Hikwalaho ka Sawulo ni ka yindlu ya ngati, hikuva u dlayile va Gibiyoni.”

2 SAMIELE 3:28

Davhida a swi twa ndzhaku, kutani a ku: “A ndzi na nandzu wa ngati ya Abinere n'wana Neri, mina, ni vuhosi bya mina emahlweni ka Yehovha hi masiku,

Genesa 42:22

Rhuveni a va hlamula, a ku: “Xana a ndzi mi byelanga, ndzi ku: ‘Mi nga dyoheleni makwerhu?’ Kambe mi arile ku ndzi yingisa; hilaha ngati ya yena yi vitaniwaka.”