Pisalema 51:11 - Xitsonga (Bibele)

¹¹ U nga ndzi cukumeti ekule ni mombo wa wena, U nga ndzi tekeli moya wa wena lowo kwetsima.

BIBELE Mahungu Lamanene

¹¹ U nga ndzi cukumeteli kule na wena, u nga ndzi tekeli Moya wa wena lowo kwetsima.

Pisalema 51:11 Referans Kwoze

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

2 TIHOSI 13:23

Kambe Yehovha a twela Vaisraele vusiwana, a va endla hi tintswalo, a va hundzukela hi mombo, hikwalaho ka ntwanano wa yena na Abrahama, na Isaka, na Yakobo a nga rhandzangi ku va heta, ni ku fika sweswi a nga va cukumetangi ekule ni mombo wa yena.

Varhoma 8:9

Kambe n'wina, a mi hanyi enyameni, kambe mi hanya eMoyeni, loko kunene Moya wa Xikwembu wu akile eka n'wina. Kungakuloko munhu a nga ri na Moya wa Kriste, a hi wa yena.

Genesa 6:3

Kambe Yehovha a ku: “Moya wanga a wu nga ha tshami hi masiku emunhwini, hikuva munhu i nyama, kutani masiku ya yena ma ta va dzana ra malembe ni makume mambirhi.”

Yohane 14:26

Kambe Muyimeri, wu nga Moya lowo Kwetsima, lowu Tatana a nga ta wu rhuma hi vito ra mina, hi yena la nga ta mi dyondzisa hinkwaswo, u ta mi tsundzuxa ni hinkwaswo leswi ndzi mi byeleke swona.

Luka 11:13

Kutani-ke, leswi n'wina mi nga lavo biha mi tivaka ku nyika vana va n'wina leswo nandziha, Tatana la nga etilweni u ta tlurisa swonghasi ku nyika Moya lowo Kwetsima eka lava wu kombelaka eka yena?”

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

1 SAMIELE 16:14

Moya wa Xikwembu wu tshika Sawulo, kutani a xanisiwa hi moya lowo biha lowu humaka eka Yehovha.

1 SAMIELE 10:10

Kuteloko va fika eGibeya, waswivo, ntlawa wa vaprofeta wu ta hlangana na yena kutani Moya wa Xikwembu wu n'wi khoma, a bvumbha exikarhi ka vona.

Vaavanyisi 16:20

A ku eka yena: “Oho Samsoni, Vafilista hi lava!” Kutani a pfuka evurhongweni bya yena, a ku: “Ndzi ta pona kukotisa masiku, ndzi tilamulela emavokweni ya vona,” kasi a a nga swi tivi leswaku Yehovha u n'wi fularhele.

2 Vatesalonika 1:9

Valavo va ta biwa hi ku onhaka loku nga heriki, hi ku humelela eka Hosi, ni matimba layo kwetsima ya yona;

Pisalema 71:9

U nga ndzi cukumeti enkarhini wa ku dyuhala ka mina, U nga ndzi tshiki loko matimba ya mina ma ta hela!

2 TIHOSI 24:20

Hikuva vukari bya Yehovha byi humelele ehenhla ka Yerusalema na Yuda, a ko a va cukumeta emahlweni ka yena. Kutani Sedekiyasi a hundzukela hosi ya Babilona.

2 SAMIELE 7:15

kambe tintswalo ta mina ti nga ka ti nga suki eka yena, kukotisa loko ingi ndzi ti susile eka Sawulo loyi ndzi n'wi suseke emahlweni ka wena.

Vaavanyisi 15:14

Kuteloko a fika eLehi, Vafilista va huwelela loko va hlangana na yena. Kutani Moya wa Yehovha wu n'wi tela hi matimba, mapindza lama boheke mavoko ya yena ma hundzuka swangi i harhana leyi tshweke; leswi a bohiweke ha swona swi tshunxeka emavokweni ya yena.

Yeremiya 7:15

Ndzi ta mi tshika leswaku mi susiwa emahlweni ka mina, kukotisa leswi ndzi tshamaka ndzi swi endla eka vamakwenu hinkwavo, ri nga rixaka ra Efrayimi hinkwaro.’

Pisalema 43:2

Hikuva hi wena Xikwembu xa ku chavelela ka mina, U ndzi cukumetela yini? Xana ndzi fambela yini hi nkosi ndzi karhi ndzi xanisiwa hi nala?

Genesa 4:14

Waswivo, u ndzi hlongole namuntlha ehenhla ka misava, ndzi ta va ndzi hambene ni mombo wa wena, kutani ndzi ta va mupepetseki ni mufambi emisaveni, kutani mani na mani loko a ndzi kuma, u ta ndzi dlaya.”

Varhoma 1:4

kambe a kombisiwa hi matimba, hi ku pfuka ka yena eku feni, leswaku i n'wana wa xona hitlhelo ra Moya lowo Kwetsima;

2 TIHOSI 23:27

Hikuva Yehovha a a ku: “Ndzi ta susa na yena Yuda emahlweni ka mina, hilaha ndzi suseke Israele hakona, ndzi ta cukumeta muti lowu ndzi wu hlawuleke, Yerusalema, ni yindlu leyi ndzi nga vula ehenhla ka yona, ndzi ku: ‘Vito ra mina ri ta va kona.’ ”

Vaavanyisi 13:25

Kutani moya wa Yehovha wu sungula ku n'wi kucetela a ri Mahane-Dani, exikarhi ka Sora na Exitawulu.