Pisalema 50:3 - Xitsonga (Bibele)

³ Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

BIBELE Mahungu Lamanene

³ Xikwembu xa hina xa ta, xi nga ka xi nga miyeli; xi rhangeriwe hi ndzilo lowu pfurhaka swinene, xi rhendzeriwa hi xidzedze lexo chavisa.

Pisalema 50:3 Referans Kwoze

Daniele 7:10

Nambu wa ndzilo a wu huma wu khuluka emahlweni ka yena. A tirheriwa hi madzana ya madzana, kutani dzana ra timiliyoni a ti yimile emahlweni ka yena. Kavaloko vaavanyisi va tshama, kutani tibuku ti phendliwa.

Tinhlayo 16:35

Kutani ndzilo wu huma eka Yehovha, wu heta vanhu va 250, lava humeseleke mirhi ya risuna.

Levhitika 10:2

Kutani ndzilo wu huma emahlweni ka Yehovha, wu va hisa, va fa emahlweni ka Yehovha.

Matewu 3:12

Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

Nhlavutelo 22:20

Loyi a tiyisaka vumbhoni bya timhaka leti, a ku: “Ina, ndza ta sweswi!” Amen! Tana, Hosi Yesu!

Vaheveru 12:29

Hikuva Xikwembu xa hina, na xona, i ndzilo lowu hisaka.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Habakuku 3:5

U rhangeriwa emahlweni hi ntungu, rifu leri hisaka ri n'wi landza hi le ndzhaku.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 83:1

Oho Xikwembu, u nga tshuki u miyela! U nga miyeli, u nga wisi, Xikwembu!

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Pisalema 50:21

Hi lexi u xi endleke, kutani mina ndzi miyerile. U ringanise leswaku a ndzi fana na wena. Kambe ndzi ta ku laya sweswi, ndzi ta humesa hinkwaswo emahlweni ka wena.

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Ezekiele 1:4

A ndzi languta, kutani ku huma en'walungwini emheho leya matimba, ni papa lerikulu, ni ndzilo lowukulukumba lowu nga voninga hi matlhelo hinkwawo; exikarhi ka wona a ku vonaka xilo lexi nga fana ni koporo leyi vangamaka swinene.