Pisalema 50:21 - Xitsonga (Bibele)

²¹ Hi lexi u xi endleke, kutani mina ndzi miyerile. U ringanise leswaku a ndzi fana na wena. Kambe ndzi ta ku laya sweswi, ndzi ta humesa hinkwaswo emahlweni ka wena.

BIBELE Mahungu Lamanene

²¹ Swilo leswi mi swi endlile, kambe mina a ndzi hlamulanga nchumu; mi ehleketile leswaku ndzi yima na n'wina, kambe sweswi ndza mi tshinya, ndzi mi vona nandzu.

Pisalema 50:21 Referans Kwoze

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Pisalema 90:8

U vekile emahlweni ka wena swivi swa hina, Ni ku dyoha ka hina loku fihliweke ku le ku vonakaleni ka mombo wa wena.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Esaya 42:14

U ri: “Ndzi miyerile khale, ndzi ku ntsee, ndzi va ndzi tikhoma; sweswi ndzi ta rila tanihi wansati la velekaka, evukarini bya mina ndzi ta tlhakama; ndzi onha tintshava ni switsunga,

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

Pisalema 50:3

Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Amosi 8:7

Yehovha u hlambanyile hi ku kwetsima ka Yakobo, a ku: “Ndzi nga ka ndzi nga rivali mitirho ya n'wina ni wun'we, hilaha ku nga heriki.

Pisalema 73:11

Va ri: “Xikwembu xi nga tivisa ku yini? La nge henhlahenhla a nga swi tiva xana?”

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

Esaya 26:10

Loko mudyohi o rivaleriwa, a nga dyondzi swo lulama etikweni lero lulama, u ta endla swo biha, a nga ka a nga hlayi vukulukumba bya Yehovha.

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Eksoda 3:14

Xikwembu xi ku eka Muxe: “Hi mina Loyi a nga kona.” Kambe xi ku: “U ta vurisa sweswo eka vana va Israele, u ku: ‘Loyi a nga kona u ndzi rhumile eka n'wina.’ ”

Pisalema 50:8

A ndzi ku tshinyi hikwalaho ka magandzelo ya wena; Tiholokosta ti le mahlweni ka mina hi masiku.

Ntirho 34:33

Xana Xikwembu xi ta vutisa wena loko xi avanyisa? Hi wena la fanelaka ku hlawula ku nga ri mina, Loko swi ri tano, humesa leswi u swi tivaka!

Yeremiya 2:23

“U nga vurisa ku yini leswaku a ndzi tinyamisanga, a ndzi landzanga Baali xana? Languta mitila ya wena erivaleni; anakanya leswi u swi endleke, wena kamela ra matsambo leri tsutsumelaka lahaya ni lahaya.