Pisalema 50:1 - Xitsonga (Bibele)

¹ Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

BIBELE Mahungu Lamanene

¹ HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Pisalema 50:1 Referans Kwoze

Pisalema 113:3

Ku sukela evuxeni ku fika evupeladyambu, A ku vongiwe vito ra Yehovha!

Matewu 25:32

Kutani matiko hinkwawo ma ta hlengeletiwa emahlweni ka yena, u ta hlawula van'wana eka van'wana, kukotisa murisi loko a hlawula tinyimpfu eka timbuti.

Yoxuwa 22:22

“Xikwembu xa matimba, Xikwembu, Yehovha wa swi tiva, na yena Israele u ta swi tiva! Loko hi endlile sweswo ku pfuka Yehovha ni ku n'wi dyohela, u nga tshuki u hi ponisa namuntlha.

Amosi 3:8

Nghala ya vuvula: la nga taka a nga chavi i mani? Yehovha, Xikwembu, wa vulavula: loyi a nga taka a nga profeti i mani xana?”

Esaya 1:2

Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Nehemiya 9:6

Hi wena Yehovha u ri swaku, hi wena u endleke matilo ni matilo ya matilo, ni mavandla hinkwawo ya wona, ni misava, ni hinkwaswo leswi nga ehenhla ka yona, ni malwandle, ni leswi nga eka wona, hi wena la hanyisaka swilo leswi hinkwaswo, mavandla ya le matilweni ma karhi ma khinsama emahlweni ka wena.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Esaya 37:20

Sweswi Yehovha, Xikwembu xa hina, wanga hi ponisa evokweni ra Senakeribi, matiko hinkwawo ya misava ma ta tiva leswaku wena Yehovha u Xikwembu, wena ntsena!”

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Pisalema 83:1

Oho Xikwembu, u nga tshuki u miyela! U nga miyeli, u nga wisi, Xikwembu!

Pisalema 73:1

Kunene Xikwembu xi ni tintswalo eka Israele, Eka lava nga ni timbilu to basa.

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

2 TIKRONIKA 29:30

Kutani hosi Hezekiya ni tihosana va byela Valevhi ku dzunisa Yehovha hi marito ya Davhida na Asafa, muvoni; va n'wi dzunisa sweswo, va tsakile, kutani va korhama, va khinsama.

1 TIKRONIKA 25:6

Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi.

1 TIKRONIKA 25:2

Va vana va Asafa: Zakuru, na Yosefa, na Netaniya, na Asarela; vana va Asafa, va fambisiwa hi Asafa, la tshamaka a profeta hi ku lerisa ka hosi.

1 TIKRONIKA 16:37

Davhida a siya kona emahlweni ka areka ya ntwanano wa Yehovha, yena Asafa ni vamakwavo, leswaku va khoma ntirho hi masiku emahlweni ka areka, hilaha swi fanelaka hi siku rin'wana ni rin'wana.

1 TIKRONIKA 15:17

Valevhi va nghenisa entirhweni Hemani, n'wana Yuwele ni exikarhi ka vamakwavo, Asafa, n'wana Berekiya; ni le xikarhi ka vana va Merari vamakwavo, Etani, n'wana Kuxaya;

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

1 TIKRONIKA 6:24

Tahata, n'wanakwe; Uriele, n'wanakwe; Uziya, n'wanakwe Xawulu, n'wanakwe.

Pisalema 74:1

Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

Pisalema 75:1

Ha ku tlangela, oho Xikwembu, ha ku tlangela, Vito ra wena ri le milon'wini ya hina; Hi hlaya swihlamariso swa wena.

Pisalema 76:1

Xikwembu xi tiviwa hi Yuda, Vito ra xona rikulu eka Israele.

Pisalema 77:1

Rito ra mina ri tlhandlukela eka Xikwembu, kutani ndzi huwelela; Rito ra mina ri tlhandlukela eka Xikwembu, leswaku xi ta ndzi yingisa.

Pisalema 78:1

Yingisa tidyondzo ta mina, tiko ranga; Rhiyani tindleve, mi yingisa marito ya nomu wa mina.

Pisalema 79:1

Oho Xikwembu, va matiko va nghene endzhakeni ya wena, Va nyamisile tempele ya wena leyi kwetsimaka, Va endle Yerusalema, marhumbi.

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

Pisalema 81:1

Twarisani tinsimu ta n'wina eka Xikwembu lexi nga matimba ya hina, Mi huwelela hi ku tsaka eka Xikwembu xa Yakobo!

Pisalema 82:1

Xikwembu xi tshamile ehubyeni ya Xikwembu, Xi avanyisa exikarhi ka swikwembu.