Pisalema 5:5 - Xitsonga (Bibele)

⁵ Lavo hunguka va nga ka va nga yimi emahlweni ka wena; U venga vadyohi hinkwavo.

BIBELE Mahungu Lamanene

⁵ Lava tikurisaka a va amukeriwi emahlweni ka wena, vaendlaswivi hinkwavo wa va wenga.

Pisalema 5:5 Referans Kwoze

Pisalema 11:5

Yehovha u kamba la lulameke; Moya wa yena wu venga lowo homboloka ni la rhandzaka ku pfukela matimba.

Hosiya 9:15

Vumbabva bya vona hinkwabyo byi le Giligala; hikuva hi kona ndzi va vengeke, Hikwalaho ka ku biha ka ku famba ka vona, ndzi ta va hlongola endlwini ya mina. A ndzi nga ha tshami ndzi va rhandza, tihosi ta vona hinkwato i vatiarisi.

Pisalema 1:5

Hikwalaho, lavo homboloka va nga ka va nga yimi eku avanyisiweni, Hambi va ri vadyohi enhlengeletanweni ya lavo lulama;

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Levhitika 20:23

Mi nga tshuki mi landza mikhuva ya tiko leri ndzi ri hlongolaka emahlweni ka n'wina, hikuva va endlile swilo sweswo hinkwaswo, hakona va ndzi nyenyetsa.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Habakuku 1:13

Wena lowa mahlo lama tengeke lama chavanaka ni ku biha, lama hlulekaka ku languta ku xaniseka, u langutele yini vaxisi? U miyelela yini, loko lowo biha a mita la n'wi tlulaka hi ku lulama?

Swivuriso 8:5

N'wina, varivali, dyondzani mano; Na n'wina, vahunguki, mi lava ku twisisa.

Matewu 7:23

Enkarhini wolowo ndzi ta va byela erivaleni, ndzi ku: ‘A ndzi mi tivanga, ni siku ni rin'we; sukani eka mina, n'wina vadyohi.’

Zakariya 11:8

Ndzi lovisa varisi vanharhu hi n'hweti yin'we; ntsena moya wa mina wu herisiwa mbilu hi tinyimpfu; na tona, mimoya ya tona yi phiriwa hi mina.

Eklesiasta 5:4

Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Pisalema 75:4

Ndzi ku eka lava tidzunisaka: “Mi nga tshuki mi tidzunisa!” Ni ka timbabva: “Mi nga tlakusi tinhloko!”

Pisalema 130:3

Loko ngi u hlayisa ku tsundzuka ka swidyoho, Yehovha, Ku ta hanya mani, wee Hosi?

Pisalema 94:8

Tivoneleni n'wina vavanuna va mitlunya! Na n'wina swihunguki, mi ta tlhariha rini?

Pisalema 92:6

Xihunguki xi nge yi tivi, Ni wa rihlanyi a nge yi twisisi.

Pisalema 14:1

Xihunguki xi te embilwini ya xona: “A ku na Xikwembu!” Va borile; mitirho ya vona yi ni manyala; A ku na la endlaka swinene.

Pisalema 73:3

Hikuva a ndzi navela lava tidzunisaka, Loko ndzi vona ku tsaka ka lavo biha.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Swivuriso 15:9

Ndlela ya lowo biha i manyala eka Yehovha, Kambe u rhandza la landzelaka ku lulama.