Pisalema 49:11 - Xitsonga (Bibele)

¹¹ Va ringanisa leswaku tindlu ta vona ti ta va kona hi masiku, Ni vuako bya vona etinxakeni ta tinxaka, Va tshula matiko hi mavito ya vona.

BIBELE Mahungu Lamanene

¹¹ Hambileswi masimu va ma thyeke mavito ya vona, masirha ya vona ma ta hundzuka makaya ya vona laha va nga ta tshama kona hilaha ku nga heriki.

Pisalema 49:11 Referans Kwoze

Genesa 4:17

Kutani Kayini a tiva nsati wa yena; kutani a tika nyimba, a veleka Enoko; endzhaku, a aka muti, a thya muti lowu hi vito ra n'wana wa yena Enoko.

Pisalema 64:6

Va anakanya vumbabva, va tilunghisile, makungu ma herile! Mianakanyo ya munhu ni mbilu ya yena swi entile ngopfu.

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

Ezekiele 38:10

“Hosi Yehovha u vulavula sweswo, a ku: Hi siku rero mianakanyo yi ta humelela embilwini va wena, u ta endla makungu layo biha.

Pisalema 10:6

A ku embilwini ya yena: Ndzi nga ka ndzi nga tsekatsekisiwi, Ndzi sirheriwe makhombo hi masiku.

2 SAMIELE 18:18

Kambe Abixalomu a a tiakerile loko a ha hanya, xitsundzuxo lexi nga enkoveni wa hosi, hikuva a a te: “A ndzi na n'wana wa wanuna ku hlayisa xitsundzuxo xa vito ra mina,” kutani a xi thya hi vito ra yena; xi thyiwile ku fika namuntlha xitsundzuxo xa Abixalomu.

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Luka 11:39

Kutani Hosi yi ku eka yena: “Kunene n'wina, Vafarisi, mi hlantswa ndzheko ni nkambana ehandle, kasi endzeni mi tele hi ku yiva ni lunya.

1 SAMIELE 15:12

Kutani Samiele a pfuka nimixo ku ya hlangana na Sawulo. Kambe va ku eka Samiele: “Sawulo u yile eKarmele, u tiakele xitsundzuxo, kutani a hundza kun'wana, a ya ngirimela eGiligala.”

Duteronoma 3:14

“Yayiro, n'wana Manase, a teka tiko hinkwaro ra Arigobi, ku fika endzilakaneni wa Vagexuri ni Vamaakati; kutani a ri thya vito ra yena; i miti ya Baxani leyi vuriwaka ninamuntlha miti ya Yayiro.

Pisalema 39:7

Sweswi, Hosi, ndzi nga langutela yini xana? Ku tshemba ka mina ku le ka wena.

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Eklesiasta 2:21

Hikuva munhu a nga va kona loyi ntirho wa yena wu endliweke hi vutlhari, ni ku tiva, ni bindzu, kasi u ta wu siyela munhu un'wana la nga ka a nga tikarhatelanga wona. Sweswo na swona, i vuhava, i khombo lerikulu.