Pisalema 48:14 - Xitsonga (Bibele)

¹⁴ Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

BIBELE Mahungu Lamanene

¹⁴ “Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Pisalema 48:14 Referans Kwoze

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Pisalema 73:24

U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

Yohane 16:13

Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Pisalema 25:9

A fambisa eku lulameni lava olovaka etimbilwini, A dyondzisa lava titsongahataka ndlela ya yena.

Pisalema 73:26

Nyama ya mina, ni mbilu ya mina swi nga hela, Kambe Xikwembu i ribye ra mbilu yanga, I ndzhaka ya mina hi laha ku nga heriki.

Pisalema 31:14

Kambe ndzi vekile ku tshemba ka mina eka wena, Yehovha; Ndzi ku: “U Xikwembu xanga!”

Pisalema 16:2

Ndzi te eka Yehovha: “Hi wena hosi yanga, A ndzi na rifuwo leri ku tlurisaka!”

Swivuriso 8:20

Ndzi famba endleleni yo lulama, Ni le mitileni leyinene.

Swirilo 3:21

Hi tona leti ndzi nga karhi ndzi lwaka na tona embilwini ya mina, Hikwalaho ndzi ta tshama ndzi ri karhi ndzi tshemba.

Tinhlayo 9:22

Hambi papa ri yima ehenhla ka Yindlu masiku mambirhi, kumbe n'hweti, kumbe nkarhi lowo leha ku tlurisa, vana va Israele va tshama emixaxeni, a va nga suki; kutani loko ri suka, a va suka.

2 SAMIELE 7:24

Kutani u tivekele tiko ra wena ra Israele ku va tiko ra wena hi masiku; kutani wena, Yehovha, a wu ri Xikwembu xa vona.

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!