Pisalema 48:1 - Xitsonga (Bibele)

¹ Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

BIBELE Mahungu Lamanene

¹ HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

Pisalema 48:1 Referans Kwoze

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Pisalema 96:4

Hikuva Yehovha hi lonkulu, wa dzuneka ngopfu, Wa chavisa ku tlurisa swikwembu hinkwaswo;

Pisalema 46:4

Wu kona nambu lowu mikhovotlo ya wona yi tsakisaka muti wa Xikwembu, Vukwetsimelo bya tindlu ta La nge henhlahenhla.

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

Nhlavutelo 21:2

Ndzi vona ni muti lowo kwetsima, Yerusalema lowuntshwa, lowu xikaka hi le tilweni eka Xikwembu, wu tilunghisile kukota mutekiwa la tibombiseleke nuna wa yena.

Pisalema 87:3

Timhaka to kwetsima ti vuriwile ehenhla ka wena, Muti wa Xikwembu!

Nhlavutelo 19:5

Kutani rito ri huma exiluvelweni, ri ku: “Khensani Xikwembu xa hina, n'wina hinkwenu malandza ya xona, na n'wina lava xi chavaka, lavakulu ni lavatsongo!”

Matewu 24:15

“Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

Pisalema 99:9

Dzunisani Yehovha, Xikwembu xa hina, Mi n'wi khinsamela entshaveni leyo kwetsima ya yena; Hikuva u hlawulekile, Yehovha, Xikwembu xa hina!

Pisalema 87:1

Masungulo ya Siyoni ma le tintshaveni leto kwetsima.

Pisalema 86:10

Hikuva u lonkulu, u tirha masingita; U Xikwembu u le swa ku.

Pisalema 78:68

Kambe xi hlawula rixaka ra Yuda, Ni ntshava ya Siyoni leyi xi yi rhandzaka.

Pisalema 65:1

Oho Xikwembu! U ta dzunisiwa hi ku rhula eSiyoni, Ku hlambanya ku ta hetisiwa eka wena.

Pisalema 47:8

Xikwembu xi fuma matiko, Xikwembu xi tshamile exiluvelweni xa xona lexi kwetsimaka.

Pisalema 46:1

Xikwembu i vuchavelo bya hina ni matimba ya hina, I ku pfuna loku kumiwaka kusuhi emapfalweni.

Pisalema 2:6

A ku: “Hi mina ndzi toteke hosi yanga eSiyoni, Entshaveni ya mina leyi hlawuriweke.”

Vaheveru 12:22

Kambe mi tile entshaveni ya Siyoni, emutini wa Xikwembu lexi hanyaka, eYerusalema, wa le tilweni, ni le madzaneni ya madzana ya tintsumi,

Obadiya 1:17

Kambe lava poneke va ta va kona entshaveni ya Siyoni; xi ta va xivandla lexi hlawulekeke, kutani va yindlu ya Yakobo va ta fuma ndzhaka ya vona.

Yeremiya 31:23

Ku vula Yehovha wa mavandla, Xikwembu xa Israele: “Va ha ta vula marito lawa emisaveni ya Yuda, ni le mitini ya kona, loko ndzi tlherisile varikwavo lava nga eku bohiweni, va ku: ‘Yehovha a a ku katekise, vuako byo lulama, ntshava leyi hlawuriweke!’

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Pisalema 147:5

Hosi ya hina yi kulukumba; matimba ya yona makulu ngopfu, Vutlhari bya yona a byi na ku pimiwa.

Pisalema 30:1

Yehovha, ndza ku kurisa hikuva u ndzi tshunxile; A ku tshikanga valala va mina va tsaka ha mina.

Nehemiya 9:5

Kutani Valevhi na Yexuwa, Kadimiele, Bani, Haxabiniya, Xerebiya, Hodiya, Xebaniya, na Petahiya, va ku: “Yimani, mi vonga Yehovha Xikwembu xa n'wina, hilaha ku nga heriki, ku vongiwa vito ra wena lero kwetsima leri tlakukeke ehenhla ka ku vonga hinkwako ni tinsimu hinkwato!

Pisalema 42:1

Hi laha ntswele ya mhunti yi rilelaka mati ya milambu, Moya wa mina wu ku naverisa sweswo, wena Xikwembu!