Pisalema 46:6 - Xitsonga (Bibele)

⁶ Matiko ma pfuma, tihosi ti huma nyimpi, Xi twarisa rito ra xona, kutani misava yi nyuka.

BIBELE Mahungu Lamanene

⁶ Matiko ma ba huwa, mimfumo yi tlula-tlula, kambe loko Xikwembu xi tlakusa rito, misava ya n'oka.

Pisalema 46:6 Referans Kwoze

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Nahume 1:5

Tintshava ti tsekatseka emahlweni ka yena, switsunga swa n'oka, misava ya kukumuka emahlweni ka yena, tiko ra vanhu, ni hinkwaswo leswi nga eka rona.

Mikiya 1:4

Tintshava ti ta n'oka ehansi ka yena, ni mikova yi ta handzuka, kukotisa swihlenga swa tinyoxi loko swi ri kusuhi ni ndzilo, ni mati loko ma halatiwa laha ku rhelelaka.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Pisalema 18:13

Yehovha u pfuma ematilweni Loya nge henhla a twakarisa rito ra yena, Ku va ni xihangu ni makala lama vavamelaka.

Amosi 9:13

“Vonani, masiku ma ta,” ku vula Yehovha, “lawa la rimaka a nga ta landzela kusuhi la tshovelaka, ni la pfuvaka mihandzu ya vhinya a landzela la byalaka mbewu; kutani vhinyo leyintshwa yi ta khulukela etintshaveni, ni switsunga hinkwaswo swi ta pfelela yona.

Amosi 1:2

A ku: “Yehovha u ta dzumadzuma le Siyoni, a tlakusa rito ra yena a ri Yerusalema, madyelo ya varisi ma ta va ni tingana, ni nhlohlorhi ya Karmele yi ta oma.”

Yeremiya 25:30

Kutani wena, u va profetela marito lawa hinkwawo, u ku eka vona: ‘Eku tlakukeni ka yena Yehovha u ta pfuma, evuakweni lebyi kwetsimaka bya yena u ta tlakusa rito; a dzumadzumela yindlu ya yena; mpfumawulo lowu kotaka wa lava kandzaka exikhuvutweni, a wu pfumisela vaaki hinkwavo va misava.

Pisalema 97:5

Tintshava ti nyukisiwa kukota mumpfu emahlweni ka Yehovha, Emahlweni ka Hosi ya misava hinkwayo.

Pisalema 68:33

Hi yena la taka ematilweni, ematilweni lama nga riki na makumu! Vonani, u twarisa rito ra yena, rito ra matimba,

Pisalema 68:8

Misava ya tsekatseka, na wona matilo ma nyuka emahlweni ka Xikwembu, Sinayi loyi a tsekatseka emahlweni ka Xikwembu, Xikwembu xa Israele.

2 TIKRONIKA 20:1

Endzhaku ka sweswo, vana Vamowabu, ni vana Vaamoni, va ri ni Vamehuni van'wana, va ta pfuka Yoxafati ku lwa na yena.

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Duteronoma 7:21

U nga tshuki u chava emahlweni ka vona, hikuva Yehovha, Xikwembu xa wena, u kona exikarhi ka wena, xi ri Xikwembu lexikulu, lexi chavisaka.

2 TIHOSI 19:34

Ndzi ta sirhelela muti lowu ku wu hlayisa, hikwalaho ka mina, ni hikwalaho ka Davhida, nandza wa mina.’ ”

Pisalema 125:1

Lava tshembaka Yehovha Va fana ni ntshava ya Siyoni; yi nga ka yi nga tsekatseki, Yi ta tiya hi laha ku nga heriki!

Esaya 31:5

Kambe kukotisa tinyanyana loko timpapa ta tona ti ku mpaa, Yehovha wa tinyimpi u ta funengeta Yerusalema, u ta lamulela, a tsetselela, a va a hanyisa.”

Esaya 33:20

Languta Siyoni, muti wa mikhuvo ya hina! Mahlo ya wena ma ta vona Yerusalema, byi ri vuako byo tsaka, ni tende leri nga susiwiki, leri timhingu ta rona ti nga hlomuriwiki, leri mapindza ya rona ma nga tshunxiwiki.

Ezekiele 48:35

Loko ku tingiwa, va pima swisungunhu swa 18 000. Ku suka siku rolero, vito ra muti va ta ku: ‘Yehovha u kona la.’ ”