Pisalema 46:10 - Xitsonga (Bibele)

¹⁰ “Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

BIBELE Mahungu Lamanene

¹⁰ Xikwembu xi ri: “Tshikani matlhari! Swi tiveni leswaku hi mina Xikwembu. Ndzi le henhla ka vanhu hinkwavo, misava hinkwayo yi fuma hi mina.”

Pisalema 46:10 Referans Kwoze

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Habakuku 2:20

Kambe Yehovha u le tempeleni ya yena leyi hlawulekeke. Misava hinkwayo a yi miyele emahlweni ka yena!

Ezekiele 38:23

Kutani ndzi ta titwarisa ni ku tikwetsimisa, ndzi ta titivisa emahlweni ka matiko lamanyingi, ma ta tiva leswaku hi mina Yehovha.

Zakariya 2:13

Nyama hinkwayo, miyelani emahlweni ka Yehovha! Hikuva u pfukile evutshan'weni bya yena lebyi nga hlawuleka.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Esaya 2:17

Ku kukumuka ka lowa ku fa ku ta tsongahatiwa, ku tlakuka ka tinhenha ku ta tsan'wisiwa, kutani Yehovha a ri swakwe u ta tlakusiwa esikwini rero.

Pisalema 57:5

Oho Xikwembu, titlakuse ehenhla ka matilo! Ku kwetsima ka wena a ku ve ehenhla ka misava hinkwayo!

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!

Pisalema 21:13

Pfuka Yehovha, hi matimba ya wena, Hi rhandza ku yimbelela ni ku twarisa matimba ya wena.

Esaya 5:16

Kutani Yehovha wa tinyimpi u ta tikurisa hi ku avanyisa, kutani Xikwembu lexi kwetsimaka xi ta tidzunisa hi ku lulama.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

1 TIHOSI 18:36

Kutani hi nkarhi wa ku humesa magandzelo, muprofeta Eliya a tshinela, a ku: “Yehovha, Xikwembu xa Abrahama, na Isaka, na Israele, a ku tiviwe namuntlha leswaku hi wena Xikwembu xa Israele, ni leswaku ndzi nandza wa wena, ni leswaku ndzi endlile swilo hinkwaswo leswi, hi ku lerisa ka wena!

1 SAMIELE 17:46

Namuntlha Yehovha u ta ku nyiketa emavokweni ya mina; ndzi ta ku tlhava, ndzi ku tsema nhloko; namuntlha ndzi ta nyika tinyanyana ta tilo ni swivandzana swa misava mitsumbu ya nyimpi ya Vafilista: misava hinkwayo yi ta tiva leswaku Xikwembu xa Israele xi kona.

2 TIHOSI 19:12

Xana swikwembu swa matiko lama herisiweke hi vatata wa mina swi ma ponisile xana? Ri ri Gozana, na Harana, na Resefa ni vana va Edeni lava nga eTelasara?

Yoxuwa 11:6

Yehovha a ku eka Yoxuwa: “U nga tshuki u va chava, hikuva mundzuku, enkarhini lowo, ndzi ta va nyiketa hinkwavo va tlhaviwile emahlweni ka Israele; u ta tsema milenge ya tihanci ta vona, u hisa ni tigolonyi ta vona endzilweni.”

Yoxuwa 11:9

Yoxuwa a va endla hilaha Yehovha a n'wi byeleke hakona: a tsema milenge ya tihanci, a va a hisa tigolonyi ta vona endzilweni.

1 SAMIELE 2:4

Vurha bya lava matimba byi tshoviwile, Kambe lava tsaneke va tiboha hi matimba.

2 TIHOSI 6:23

Kavaloko hosi ya Israele yi va endlela xifihlulo lexikulu, va dya, va nwa, kutani a lelana na vona, va tlhela, va muka eka hosi ya vona. Kutani mavandla ya Siriya a ma ha tlhelanga ma nghena etikweni ra Israele.

Pisalema 37:15

Matlhari ya vona ma ta tlhava timbilu ta vona; Mavurha ya vona ma ta tshoveka.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Yeremiya 49:35

“Ku vula Yehovha wa tinyimpi, vona, ndzi ta tshova vurha bya Elamu, matimba manene ya vona.

Ezekiele 30:8

Vona va ta swi tiva leswaku hi mina Yehovha, siku ndzi tshivelaka ndzilo eEgipta, ni loko vapfuni va rona hinkwavo va ta va va tshoviwile.

Ezekiele 39:3

Kwalaho ndzi ta damurhuta vurha bya wena evokweni ra wena ra ximatsi, ndzi va ndzi wisa miseve ya wena evokweni ra wena ra xinene.

Mikiya 4:3

Yehovha u ta avanyisa matiko layo tala, a tshinya tinxaka leta matimba ta le kule. Hi mabanga ya vona va ta fula swikomu, hi mafumu ya vona va fula tihwevo, tiko rin'wana a ri nga ha pfukeli rin'wana hi tlhari, a va nga ha dyondzi nyimpi.