Pisalema 45:2 - Xitsonga (Bibele)

² U tlula hi ku saseka vana va vanhu, Tintswalo ti halakile emilon'wini ya wena; Hikwalaho Xikwembu xi ku katekiseke hi laha ku nga heriki.

BIBELE Mahungu Lamanene

² Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Pisalema 45:2 Referans Kwoze

Luka 4:22

Kutani hinkwavo va n'wi yimela, va ri karhi va hlamala hi marito lamanene lama humaka enon'wini wa yena, va ku: “Xana loyi a hi n'wana Yosefa xana?”

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Yohane 7:46

Malandza ma hlamula, ma ku: “A hi si vona munhu la vulavulaka kukotisa munhu loyi, ni siku ni rin'we.”

Pisalema 21:6

Hikuva u n'wi endlile wa ku kateka hi masiku, U n'wi tsakisisa hi mombo wa wena.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Risimu ra Tinsimu 2:3

Kukotisa murhi wa maapula exikarhi ka mirhi ya xihlahla, Swi tano ni murhandziwa wa mina exikarhi ka majaha. Ndzi naverile ku tshamisa ehansi ka ndzhuti wa yena Mbhandzu wa yena wu nandziha emalakeni ya mina.

Swivuriso 22:11

La rhandzaka ku basa ka mbilu, A ri ni milomu yo saseka, i murhandziwa wa hosi.

Matewu 17:2

Kutani a hundzuka emahlweni ka vona; mombo wa yena wu kwetsima kukotisa dyambu; na tona tinguvu ta yena ti hundzuka leto basa, ti vangama.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Swivuriso 5:2

Leswaku u tihlayisela mano, Ni milomu ya wena yi hlayisa vutivi;

Esaya 33:17

Mahlo ya wena ma ta hlalela hosi eku sasekeni ka yona, ma ta vona misava eku anameni ka yona.