Pisalema 44:3 - Xitsonga (Bibele)

³ Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

BIBELE Mahungu Lamanene

³ Vatatana va hlurile valala va va tekela tiko, kambe ku nga ri hi matimba ya vona ni matlhari ya vona; va ri kumile hi matimba ya wena lamakulu, hikuva a wu ri kusuhi na vona, u va komba leswaku wa va tsakela.

Pisalema 44:3 Referans Kwoze

Yoxuwa 24:12

Ndzi rhumile mimpfi emahlweni ka n'wina, leyi va hlongoriseke emahlweni ka n'wina, swin'we ni tihosi letimbirhi ta Vaamori: a ku nga ri hi tlhari ra wena ni vurha bya wena.

2 Vakorinto 4:7

Kambe xuma lexi hi nga na xona xi le timbiteni ta vumba, matimba walawo lamakulu ma ve ya Xikwembu, ma nga ri ya hina.

Zakariya 4:6

Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

Pisalema 77:15

Hi voko ra wena u kutsurile tiko ra wena Vana va Yakobo ni va Yosefa.

Pisalema 20:6

Ni sweswi, ndza swi tiva leswaku Yehovha u hlayisa muhlawuriwa wa yena, U ta n'wi hlamula a ri ematilweni ya ku kwetsima ka yena, Hi mitirho ya ku lwela ka voko ra yena ra xinene.

Duteronoma 10:15

Kambe Yehovha u namarhele vatata wa wena ntsena ku va rhandza; kutani u hlawurile vana va vona endzhaku ka vona, u hlawurile n'wina exikarhi ka matiko hinkwawo hilaha mi swi vonaka namuntlha.

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Pisalema 42:11

Moya wa mina, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Pisalema 42:5

Moya wanga, u hele ntamu ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

Pisalema 74:11

U khondlela yini voko ra wena, voko ra wena ra xinene xana? Ri humese exifuveni xa wena, u va heta.

Pisalema 17:7

Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.

Pisalema 4:6

Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Tinhlayo 14:8

Loko Yehovha a titsakele ha hina, u ta hi nghenisa etikweni leri, u ta hi nyika rona, ri nga tiko leri pfelelaka hi ntswamba ni vulombe.

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Pisalema 80:16

Yi tshwile hi ndzilo, yi tsemiwile Va hela hi ku tshinya ka mombo wa wena.

Yoxuwa 3:10

Kutani Yoxuwa a ku: “Mi ta tiva hi lexi, leswaku ku ni Xikwembu lexi hanyaka exikarhi ka n'wina, ni leswaku xi ta hlongola kunene emahlweni ka n'wina Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi.

2 SAMIELE 7:23

Kambe i mani la kotisaka tiko ra wena ra Israele, ri nga tiko ra xiviri emisaveni, leri Xikwembu xi teke ku tikutsulela rona, xi ta va ni tiko ra xona xi ta va vekela vito ni ku va endlela xilo lexikulu, ni swilo leswi chavisaka etikweni ra wena, hi ku hlongola matiko ni swikwembu swa wona, emahlweni ka tiko ra wena leri u tikutsuleleke rona Egipta?

2 TIKRONIKA 20:7

Oho! Xikwembu xa hina, a hi wena la hlongoleke vaaki va tiko leri emahlweni ka tiko ra wena ra Israele, ku ri nyika hilaha ku nga heriki eka rixaka ra Abrahama, loyi a ku rhandzeke xana?

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Pisalema 80:9

U yi lunghisela misava, Kutani yi nava timitsu, yi tata tiko,

Pisalema 111:6

U kombisile tiko ra yena matimba ya mitirho ya yena, Hi ku ri nyika ndzhaka ya matiko.