Pisalema 44:23 - Xitsonga (Bibele)

²³ Pfuka! U etlelela yini, Hosi? Pfuka! U nga hi cukumeteli makumu!

BIBELE Mahungu Lamanene

²³ We N'wini wa hina, suka u yima, u nga etleri! Phaphama, u nga hi cukumeteli makumu.

Pisalema 44:23 Referans Kwoze

Pisalema 78:65

Hosi yi phaphama tani hi munhu la etleleke, Tanihi nhenha leyi baka huwa, leyi vulavurisiwaka hi vhinyo.

Pisalema 7:6

Pfuka, Yehovha, evukarini bya wena, U pfukela ku leva ka lava nga valala eka mina, Pfuka ku ndzi yimela, u lerisa ku avanyisa!

Pisalema 74:1

Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

Pisalema 35:23

Pfuka u yima ku ndzi lulamisela timhaka, Xikwembu xanga ni Hosi ya mina, pfuka ku ndzi lwela!

Marka 4:38

yena a a ri exihondzweni, a etlele exiseketelweni. Kutani va n'wi pfuxa, va ku eka yena: “Mufundhisi, xana a hi nchumu eka wena loko hi lova xana?”

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Pisalema 88:14

Oho Yehovha! U sivela yini moya wa mina? U ndzi fihlelela yini mombo wa wena?

Pisalema 77:7

“Xana Hosi yi ta cukumetela makumu xana? A yi nga ha tweli vusiwana xana?

Pisalema 44:9

Hambiswiritano u hi cukumetile, u hi funengete hi tingana, U tshikile ku huma ni tinyimpi ta hina;

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”