Pisalema 42:8 - Xitsonga (Bibele)

⁸ Ninhlekanhi, Yehovha u ndzi ha tintswalo ta yena; Nivusiku, ndzi tshama ndzi yimbelela risimu ra yena, Ndzi khongela Xikwembu xa vutomi bya mina.

BIBELE Mahungu Lamanene

⁸ Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Pisalema 42:8 Referans Kwoze

Pisalema 149:5

Lava n'wi rhandzaka a va tsake eku kwetsimeni, A va be mikulungwana ya ku tsaka eswilawini swa vona.

Pisalema 63:6

Loko ndzi ku tsundzuka ndzi ri ebyetlelweni bya mina, Ndzi anakanya ta wena hi mikarhi ya vusiku.

Pisalema 16:7

Ndzi vonga Yehovha, hikuva hi yena muleteri wa mina; Swi tsandza nivusiku, mbilu ya mina yi ndzi dyondzisa.

Ntirho 35:10

Kambe a va vutisi, va ku: ‘Xikwembu, muvumbi wa mina u kwihi-ke? Xona lexi nyikaka munhu nivusiku tinsimu ta ku tsaka,

Duteronoma 28:8

Yehovha u ta lerisa ku kateka leswaku ku va na wena etinguleni ta wena ni le mitirhweni hinkwayo ya mavoko va wena, kutani u ta ku katekisa emisaveni leyi Yehovha, Xikwembu xa wena, a ku nyikaka yona.

Pisalema 133:3

Ku fana ni mberha ya Hermoni, Leyi welaka etintshaveni ta Siyoni; Hikuva hi kona Yehovha a leriselaka mikateko. Ni vutomi, hi laha ku nga heriki.

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

Timhaka 16:25

Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

Matewu 8:8

Kambe ndhuna ya dzana yi angula, yi ku: “Hosi, a swi ku fanelanga ku ta nghena endlwini ya mina, kambe vula rito rin'we ntsena nandza wa mina u ta hanya.

Pisalema 44:4

Oho Xikwembu! U hosi ya mina: Lerisa ku ponisa ka Yakobo!

Esaya 30:29

Mi ta yimbelela ku kota loko va ri emikhubyeni va yimbelela nivusiku, kutani timbilu ta n'wina ti ta tsaka hi ku tsaka loku fanaka ni ka lava fambaka va yimba tinanga, loko va ya entshaveni ya Yehovha, eribyeni lero tiya ra Israele.

Pisalema 77:6

Ndzi anakanya risimu ra mina nivusiku. Ndzi vulavula hi mbilu ya mina, Na wona moya wa mina wu anakanya.

Pisalema 57:3

Xi ta ndzi rhumela ku pfuna hi le tilweni, xi ndzi hlayisa, Hambi ku sola loyi a lavaka ku ndzi mita. Xikwembu xi ta rhumela tintswalo ta xona ni vunene bya xona.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Pisalema 32:7

U xichavelo xa mina; u ndzi sivelela maxangu; U ta ndzi rhendzela hi tinsimu ta ku hlayiseka.

Levhitika 25:21

Ndzi ta katekisa ngopfu lembe ra ntlhanu na rin'we, ri va ri mi nyika swakudya leswi ringanaka malembe manharhu;

2 SAMIELE 22:5

“Hikuva magandlati ya rifu ma ndzi rhendzele, Maboboma ya lavo biha ma ndzi tshukisile;

Pisalema 88:8

U ndzi tshinetile ekule ni vanakulorhi, U ndzi endlile la nyenyetsaka eka vona; Ndzi pfaleriwe laha ku nga humiwiki.

Pisalema 124:4

Enkarhini wolowo ingi mati ma hi funengetile, Maboboma ma hundzile henhla ka mimoya ya hina.

Yonasi 2:4

U ndzi cukumetile exidziveni, embilwini ya malwandle nambu wu ndzi rhendzele; mavimbi hinkwawo ya wena ni magandlati ya wena ma ndzi hundzele ehenhla.