Pisalema 42:3 - Xitsonga (Bibele)

³ Mihloti ya mina i swakudya swa mina nhlekanhi ni vusiku, Hi leswi va tshamaka va ku eka mina: “Xi kwihi Xikwembu xa wena?”

BIBELE Mahungu Lamanene

³ Mihloti i swakudya swa mina vusiku ni nhlekanhi, hikuva va tshamela ku ndzi vutisa va ku: “Xana Xikwembu xa wena xi kwihi ke?”

Pisalema 42:3 Referans Kwoze

Pisalema 79:10

Matiko ma vulela yini ma ku: “Xikwembu xa vona xi kwihi?” Ku rihisa ka ngati ya malandza ya wena, leyi halatiweke, A ku vonakale ematikweni emahlweni ya hina.

Pisalema 115:2

Matiko ma nga vulela yini, ma ku: “Xi kwihi Xikwembu xa vona?”

Yuwele 2:17

Ni vaprista lava tirhelaka Yehovha, a va be nkosi exikarhi ka rikupakupa ni alitari, va ku: “Oho! Yehovha, tsetselela tiko ra wena; u nga nyiketi ndzhaka ya wena eku soriweni, yi tseketseriwa hi vamatiko! Xana ku nga vuriwela yini exikarhi ka matiko, va ku: ‘Xi kwihi-ke, Xikwembu xa vona?’ ”

Pisalema 102:9

Ndzi dya ntshuri ematshan'weni ya vuswa, Ndzi pfanganyisa swakunwa swa mina ni minyembeti,

Pisalema 80:5

U ri phamela vuswa bya mihloti, Kutani u va nwisa mihloti hi mpimo lowukulu.

Pisalema 42:10

Marhambu ya mina ma tshove ka loko ndzi soriwa hi valala va mina, Loko va tshama va ku eka mina: “Xi kwihi, Xikwembu xa wena?”

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Pisalema 79:12

Hosi, u tlherisela eka ntlhanu na kambirhi exifuveni xa lava akisaneke na hina, Xisandzu lexi va ku sandzeke ha xona!

Pisalema 22:8

Va ku: “U titshembele Yehovha! A a n'wi tshunxe-ke! A a n'wi ponise loko a n'wi tsakela.”

Pisalema 3:2

Va tele ngopfu lava nge ka moya wa mina: “A wu nga ha ri na ku hlayiseka eka Xikwembu!”

2 SAMIELE 16:12

Kumbe Yehovha u ta languta ku tsongahatiwa ka mina, kutani Yehovha u ta ndzi tlherisela leswinene ematshan'weni ya mirhukano ya siku leri.”

Eksoda 23:17

Kanharhu hi lembe, vavanuna va ta humelela hinkwavo emahlweni ka Hosi Yehovha.

Duteronoma 5:26

Hikuva va kwihi vanhu lava nga yingisa kukotisa hina rito ra Xikwembu lexi hanyaka loko xi vulavula endzilweni, kutani va sala va hanya?

Pisalema 63:2

Ndzi ta ku hlalela evukwetsimelweni, Ndzi ta vona matimba ya wena ni ku kwetsima ka wena.

Pisalema 84:3

Swi tsandza ni xindzingiri xi ni xisaka, Ni mbewulana yi ni yindlu, laha yi vekaka mavondlo ya yona kona. Oho Yehovha wa tinyimpi, tialitari ta wena! Hosi ya mina ni Xikwembu xanga!

Pisalema 143:6

Ndzi tlakusa mavoko ya mina eka wena, Moya wanga wu ni torha hikwalaho ka wena, kukota misava leyi omeke.