Pisalema 41:13 - Xitsonga (Bibele)

¹³ A ku vongiwe Yehovha, Xikwembu xa Israele, Hi mikarhi leyi nga riki na ku sungula ni ku hela. Amen! Amen!

BIBELE Mahungu Lamanene

¹³ A ku nkhensiwe HOSI Xikwembu xa Israele, sweswi ni hilaha ku nga heriki. Amen! Amen!

Pisalema 41:13 Referans Kwoze

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”

Pisalema 89:52

A ku khensiwe Yehovha hi masiku! Amen! Amen!

Pisalema 106:48

A ku khensiwe Yehovha, Xikwembu xa Israele, Ku suka eku sunguleni, ku yisa laha ku nga heriki! Tiko hinkwaro a ri vule: “Amen!” Dzunisani Yehovha!

Pisalema 150:6

Leswi hefemulaka hinkwaswo a swi dzunise Yehovha. Dzunisani Yehovha!

Nhlavutelo 7:12

va ku: “Amen! Ku dzuneka, ni ku kwetsima, ni vutlhari, ni ku khensa, ni xichavo, ni vuhosi, ni matimba, a swi ve eka Xikwembu xa hina hi masiku ni masiku! Amen!”

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

Matewu 6:13

U nga hi yisi emiringweni, kambe u hi lwela eka lowo biha.’

1 Vakorinto 14:16

Loko swi nga ri tano, kungakuloko u khensa hi Moya, xana la nga tiviki nchumu, a nga tiyisa ku yini ku khensa ka wena, loko a ku: “Amen,” loko a nga tivi leswi u swi vulaka?

Yeremiya 28:6

Muprofeta Yeremiya a ku: “A swi ve tano! Yehovha a a endle sweswo! Yehovha a a tiyise marito ya wena lawa u ma profeteke hikwalaho ka swibya leswi nga ta tlheriseriwa exivandleni lexi, swa yindlu ya Yehovha, ni hinkwavo lava yeke eku bohiweni eBabilona!

1 TIKRONIKA 16:36

A ku khensiwe Yehovha, Xikwembu xa Israele! Hi masiku lama nga heriki!” Kutani tiko hinkwaro ri ku: “Amen!” Tlangelani Yehovha.

Nhlavutelo 11:17

va ku: “Ha ku khensa Hosi, Xikwembu xa matimba hinkwawo, lexi nga kona, ni lexi a xi ri kona hikuva u tekile matimba ya wena lamakulu, kutani u nghenile eku fumeni ka wena.

1 TIHOSI 1:36

Kutani Benaya, n'wana Yehoyada, a hlamula, a ku eka hosi: “Amen! A ku vurise sweswo Yehovha, Xikwembu xa hosi, n'wini wa mina!

Nhlavutelo 22:20

Loyi a tiyisaka vumbhoni bya timhaka leti, a ku: “Ina, ndza ta sweswi!” Amen! Tana, Hosi Yesu!

Tinhlayo 5:22

ni mati lawa ya ndzhukano a ma nghene emarhumbyini ya wena, a kukumukisa khwiri ra wena, ni ku ondzisa matsheve ya wena”; wansati u ta ku: “Kunene, kunene.”

Pisalema 147:6

Yehovha u pfuxa lava titsongahataka, U tsongahata lavo biha ku fika ehansi.