Pisalema 4:7 - Xitsonga (Bibele)

⁷ U tsakisile mbilu yanga ku tlurisa ku tsaka ka vona Loko va andzeriwa hi mavele ni vhinyo.

BIBELE Mahungu Lamanene

⁷ Kambe wena u engeterile ntsako embilwini yanga, wu tlula lowu va nga na wona loko va pfunile mavele ni vhinyo.

Pisalema 4:7 Referans Kwoze

Esaya 9:3

U andzisile tiko, u kurisile ku tsaka ka rona! Ri tsakile emahlweni ka wena kukota lava tshovelaka, tanihi lava avanelaka xuma lexi phangiweke.

Pisalema 37:4

Tsakela Yehovha, Kutani u ta ku nyika leswi naveriwaka hi mbilu ya wena.

Pisalema 43:4

Ndzi ta tshinela alitari ya Xikwembu, Ya Xikwembu lexi ku nga ku tsaka ka mina ni ku yimbelela ka mina; Ndzi ta ku dzunisa hi haripa, wena Xikwembu, Xikwembu xanga!

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

Pisalema 92:4

Hikuva wa ndzi tsakisa hi mitirho ya wena, Yehovha! Ndzi va ndzi huvela hi ku tsaka mitirho ya mavoko ya wena.

Yeremiya 48:33

Ku tsaka ni ku tsakisisa swi susiwile emasin'wini ni le tikweni ra Mowabu; ndzi herisile vhinyo exikhuvutweni a ka ha kandziwi hi tinsimu; i huwa, a ra ha ri risimu.

Vaavanyisi 9:27

Kutani va humela ehandle va tshovela masimu ya yona ya vhinya, va khuvuta mihandzu ya yona, va titsakela, va nghena endlwini ya xikwembu xa vona, va dya, va nwa, va rhuketela Abimeleke.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

Tinhlayo 6:25

Yehovha a a ku hatimisele mombo wa yena, a a ku endlele hi tintswalo!

Pisalema 31:17

Yehovha, ndzi nga tshuki ndzi khomiwa hi tingana, hikuva ndzi ku khongele; Lavo homboloka vona a va khomiwe hi tingana, A va xike va miyela exivandleni xa vafi!

Pisalema 67:2

Leswaku ndlela ya wena yi tiviwa emisaveni Ni ku hlayiseka ka wena exikarhi ka matiko hinkwawo!

Pisalema 80:4

Yehovha, Xikwembu xa tinyimpi! U ta karihela ku khongela ka tiko ra wena ku yisa kwihi?