Pisalema 4:2 - Xitsonga (Bibele)

² N'wina, vana va vanhu, xana mi ta hundzula ku vonakala ka mina xisandzu, Mi ta rhandza swahava, mi tiyisa vunwa, ku yisa kwihi-ke?

BIBELE Mahungu Lamanene

² N'wina vanhu, xana mi ta sandza vumunhu bya mina ku fikela rini xana? Xana ku tsakela leswi nga pfuniki nchumu ni ku landzelela mavunwa, mi ta swi tshika rini xana?

Pisalema 4:2 Referans Kwoze

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Hosiya 4:7

Loko va ri karhi va andza, hilaha va ndzi dyohelaka hi ku tlurisa; ku twala ka vona ndzi ta ku hundzula tingana.

Pisalema 3:3

Kambe wena Yehovha, u xitlhangu xa mina, U ku kwetsima ka mina ni loyi a yimisaka nhloko ya mina.

Yeremiya 2:11

Haa! Xana tiko ri nga va kona leri tshikaka Xikwembu xa rona, ku teka swin'wana, kasi swona a hi swikwembu xana? Kambe tiko ra mina ri tshikile ku kwetsima ka rona, ri tifuwisa hi leswi nga riki nchumu!

Pisalema 106:20

Ku kwetsima ka vona, va ku hundzula Xifaniso xa homu leyi dyaka byanyi.

Pisalema 5:6

U herisa lava vulavulaka hi vunwa; Vanhu va ngati ni lava xisaka, va sandzeka eka Yehovha.

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

1 SAMIELE 12:21

Mi nga tshuki mi n'wi fularhela, hikuva mi ta landza swilo swahava leswi nga pfuniki nchumu, ni leswi nga ponisiki, hikuva swi ri swilo swahava.

Yonasi 2:8

Kakuloko moya wa mina wu hlala endzeni ka mina ndzi tlhela ndzi ehleketa Yehovha, kutani ku khongela ka mina ku fikile eka wena, etempeleni ya ku kwetsima ka wena.

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Esaya 59:4

A ku na munhu la yaka eku tengeni hi ku lulama, ku hava loyi a tivulavulelaka hi ntiyiso! Va tiseketela hi swahava, va vulavula hi vunwa; va xurha lunya kutani ku velekiwa ku dyoha.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Esaya 20:5

“Kutani va ta rhurhumela, va tshutshala hikwalaho ka Etiyopiya loyi va n'wi tshembeke, ni hikwalaho ka Egipta loyi va tidzuniseke ha yena;

Pisalema 63:11

Kambe hosi yi ta titsakela eka Xikwembu; Un'wana ni un'wana la hlambanyaka ha xona u ta tidzunisa, Hikuva nomu wa lava hembaka wu ta siviwa.

Pisalema 58:3

Lavo homboloka va hombolokile mpfhuka va tswariwa, Vahembi va hambukile mpfhuka va hume ekhwirini.

Pisalema 58:1

Xana loko mi miyela, mi nga avanyisa hi ku lulama xana? Xana mi avanyisa hi ku lulama n'wina vana va vanhu-ke?

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Pisalema 31:6

Ndzi venga lava namarhelaka swikwembu swahava; Loko ndzi ri mina, ndzi titshembela Yehovha.

Pisalema 14:6

Khomisani la nga ekhombyeni hi tingana eku tshembeni ka yena! Kasi Yehovha i xichavelo xa yena.

Pisalema 2:1

Xana matiko ma dzumadzumela yini? Ni vamatiko va anakanyela yini swahava xana?

Eklesiasta 9:3

Ku biha loku ku le henhla ka hinkwaswo leswi endliwaka ehansi ka dyambu, hikuva khombo ri ri rin'we ri humelela hinkwavo; timbilu ta vana va vanhu ti tele hi ku biha timbilu ta vona ti tele vuhunguki eku hanyeni ka vona, endzhaku ka sweswo va tiyela eka vafi. Hikuva i mani la hlawuriweke?

Pisalema 72:2

U ta avanyisa tiko ra wena hi ku lulama, Ni va wena lava xanisekaka, u ta va avanyisa hi mfanelo.

Tinhlayo 14:11

Kutani Yehovha a ku eka Muxe: “Tiko leri ri ta ndzi sandza ku yisa kwihi xana? Ri ta ndzi kaneta ku yisa kwihi; hambi ndzi endlile masingita hinkwawo lawa exikarhi ka rona!

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

1 Vakorinto 1:31

leswaku hilaha ku tsariweke hakona: “La tidzunisaka, a a tidzunisele eHosini.”

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Timhaka 24:9

Kutani Vayuda va n'wi seketela va ku: “Kunene swi tano.”