Pisalema 38:20 - Xitsonga (Bibele)

²⁰ Va ndzi tlherisela swo biha ematshan'weni ya leswinene; Va ndzi pfuka hikuva ndzi landza leswinene.

BIBELE Mahungu Lamanene

²⁰ Lava va ndzi tlheriselaka leswinene hi leswo biha, va lwa na mina, hikuva ndzi tsakela ku endla leswo saseka.

Pisalema 38:20 Referans Kwoze

Pisalema 35:12

Ti ndzi rihela vunene hi leswo biha; Moya wa mina wu le vusiwaneni.

1 Yohane 3:12

hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

Yeremiya 18:20

Xana ku nga fuma ku biha ematshan'weni ya ku lulama, hilaha va nga celela vutomi bya mina rindzi xana? Tsundzuka leswaku a ndzi ri karhi ndzi yima emahlweni ka wena ku va vulavulela, leswaku ndzi hambukisa vukari bya wena eka vona!

1 Petro 3:13

Kutani i mani la nga ta mi endla leswo biha loko mi lavisisa leswinene?

Yohane 10:32

Yesu a va hlamula a ku: “Ndzi mi kombisile mitirho leyo tala leyo saseka, leyi humaka eka Tatana; ndzi khandleriwa wihi eka yona xana?”

Pisalema 7:4

Loko ndzi rihele la nga hanya hi ku rhula na mina, swo biha, Loko ndzi phangile la ndzi vengeke ntsena,

1 SAMIELE 25:21

Kambe Davhida a ku: “Kunene ndzi hlayisile ntsena hinkwaswo leswi munhu loyi a swi fuweke emananga, ku nga kayivelanga nchumu eka leswi a swi fuweke; kutani a ndzi tlherisela ku saseka hi ku biha!

1 SAMIELE 25:16

A va ri rihlampfu ra hina vusiku ni nhlekanhi, enkarhini hinkwawo lowu ngi hi ri na vona loko hi risa swifuwo.

1 SAMIELE 23:12

Kutani Davhida a ku: “Vanhu va Keyila va ta ndzi nyiketa emavokweni ya Sawulo, mina ni vanhu va mina xana?” Yehovha a ku: “Va ta mi nyiketa.”

1 SAMIELE 23:5

Sweswo Davhida a suka ni vanhu va yena, a ya eKeyila, a lwa ni Vafilista, a teka mitlhambi ya vona, a va hlula swinene. Sweswo Davhida a ponisa vaaki va Keyila.

Matewu 5:10

Ku katekile lava xanisiwaka hikwalaho ka ku lulama, hikuva ku fuma ka matilo i ka vona.

Pisalema 25:19

Languta valala va mina, hikuva va tele, Va ndzi venga hi rivengo lero leva.

Pisalema 35:19

Va nga tshuki va tsaka ha mina lava nga valala eka mina ntsena, Va nga tshuki va tshunyeta hi mahlo lava ndzi vengaka ntsena!

Pisalema 142:7

Humesa moya wa mina ekhotsweni Ndzi ta dzunisa vito ra wena! Lava lulameke va ta ta, va ndzi rhendzela, Loko u ta va u ndzi endlele tintswalo.