Pisalema 37:9 - Xitsonga (Bibele)

⁹ Hikuva lavo biha va ta susiwa, Kambe lava tshembaka Yehovha va ta fuma misava.

BIBELE Mahungu Lamanene

⁹ Lavo homboloka va ta herisiwa, kasi lava tshembaka HOSI va ta kuma tiko, va ri teka ri va ra vona.

Pisalema 37:9 Referans Kwoze

Esaya 60:21

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

Pisalema 25:13

Moya wa yena wu ta tshama endzalweni, Kutani vatukulu va yena va ta fuma misava.

Esaya 57:13

Loko u ta huwelela, xana vandla ra swikwembu swa wena ri ta ku ponisa-ke? Mheho yi ta swi hundzisa hinkwaswo, moya wu ta swi susa. Kambe la ndzi tshembaka, u ta dya ndzhaka ya tiko, u ta nyikiwa ntshava ya mina leyo kwetsima.”

Pisalema 37:29

Lavo lulama va ta fuma misava, Va ta tshama ka yona hi masiku.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Nhlavutelo 5:10

kambe u va vekile tihosi ni vaprista eka Xikwembu xa hina, kutani va ta fuma emisaveni.”

Swivuriso 2:21

Hikuva lava lulameke va ta aka emisaveni, Lavo tenga va ta siyiwa kona;

Esaya 58:14

kunene u ta titsakela eka Yehovha ndzi ta ku tlhandlukisa etintshaveni ta tiko, ndzi ta ku nyika ku dya ndzhaka ya Yakobo, tata wa wena,” hikuva nomu wa Yehovha wu vulavurile.

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Tinhlayo 26:65

Hikuva Yehovha a a te henhla ka vona: Va ta fa emananga, kutani a ku vanga na un'we la hanyeke, loko a nga ri Kalebe, n'wana Yefune, na Yoxuwa, n'wana Nuni.

Duteronoma 5:33

mi ta famba endleleni hinkwayo leyi Yehovha Xikwembu xa n'wina xi mi leriseke yona leswaku mi hanya, mi va mi tsaka; ni leswaku masiku ya n'wina ma lehisiwa etikweni leri mi nga ta ri fuwa.

Yoxuwa 14:9

Kutani Muxe a hlambanya siku lero, a ku: ‘Tiko leri kandziyiweke hi milenge ya wena, yi ta va ndzhaka ya wena ni ya vana va wena hilaha ku nga heriki, hikuva u landzile swinene Yehovha, Xikwembu xa mina!’

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.