Pisalema 37:25 - Xitsonga (Bibele)

²⁵ A ndzi ri lontshwa, kutani ndzi dyuharile, Kambe a ndzi vonanga la lulameke a tshikiwa, Ni vana va yena va kombele vuswa bya vona.

BIBELE Mahungu Lamanene

²⁵ Ndzi vile jaha, sweswi ndzi dyuharile, kambe a ndzi si vona Xikwembu xi tshika munhu wo lulama; hambi va ri vana va yena a ndzi si va vona va kongomela swakudya.

Pisalema 37:25 Referans Kwoze

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Pisalema 37:28

Hikuva Yehovha u rhandza ku lulama, A nga ka a nga tshiki lava n'wi rhandzaka, Va hlayisiwa hi masiku. Kambe vana va lavo biha va ta herisiwa.

Pisalema 112:2

Rixaka ra yena ri ta va ni matimba emisaveni; Vatukulu va lavo lulama va ta katekisiwa.

Pisalema 25:13

Moya wa yena wu ta tshama endzalweni, Kutani vatukulu va yena va ta fuma misava.

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

2 Vakorinto 4:9

ha xanisiwa, kambe a hi cukumetiwi; hi ni gome, kambe a hi lahleki;

Pisalema 94:14

Hikuva Yehovha a nga ka a nga cukumeti tiko ra yena, A nga tshiki ndzhaka ya yena.

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Pisalema 71:9

U nga ndzi cukumeti enkarhini wa ku dyuhala ka mina, U nga ndzi tshiki loko matimba ya mina ma ta hela!

Timhaka 21:16

Kambe vadyondzisiwa van'wana va Khezariya, na vona va famba na hina, va hi yisa eka Mnasoni, mudyondzisiwa wa khale, la pfeke Kipra, loyi hi nga ta rhurheriwa eka yena.

Ntirho 15:23

U pepetseka hala ni hala a lava swakudya swi kwihi xana? U tiva leswaku siku ra munyama ri n'wi tshinelele.

Esaya 13:16

Swihlangi swa vona swi ta phyandlasiwa emahlweni ka vona, tindlu ta vona ti ta phangiwa, vavasati va vona va ta sindzisiwa va onhiwa.

Pisalema 59:15

Va yingayinga, va lava swakudya swa vona, Kutani vusiku byi hundza, va nga si xurha.

Pisalema 109:10

Vana va yena a va tsendzeleke va va vakomberi, Va singila ekule ni yindlu ya vona leyi onhakeke!

Ntirho 4:7

“Wa nga tsundzuka, i mani a nga lova a nga ri na nandzu? Va kwihi lavo lulama lava nga lovisiwa?