Pisalema 36:4 - Xitsonga (Bibele)

⁴ U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

BIBELE Mahungu Lamanene

⁴ Hambi a etlele nivusiku, ú le ku lukeni ka mano layo biha, a hlawula ndlela leyi nga riki yona, a nga fularheli leswo biha.

Pisalema 36:4 Referans Kwoze

Mikiya 2:1

Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.

Swivuriso 4:16

Hikuva a va yi eku etleleni va nga si endla swo biha; Va nga ka va nga kumi vurhongo loko va nga si wisa munhu.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Esaya 65:2

Ndzi tshambulutile mavoko ya mina siku hinkwaro eka tiko leri tiarisaka, eka lava fambaka hi ndlela yo homboloka, va ri karhi va landzelela miehleketo ya vona;

Nhlavutelo 2:2

Ndzi tiva mitirho ya wena ni nyuku wa wena ni ku tiyisela ka wena ni leswaku a ku swi koti ku twanana ni lavo biha; u ringile na vona lava tivulaka vaapostola, kasi a hi vona, kutani u swi vonile leswaku va hemba;

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Varhoma 1:32

volavo, hambi va tivile ku lerisa ka Xikwembu leswaku lava endlaka swo biha leswo tano va lulameriwa hi rifu, a va endli leswo ntsena, kambe va engeta va yimela ni lava swi endlaka.

Timhaka 23:12

Kuteloko byi xile, Vayuda van'wana va endla ximhuku, va tiboha hi ku hlambanya, va ku va nga ka va nga dyi, va nga n'wi, va nga si dlaya Pawulo.

Matewu 27:1

Kuteloko byi xile, vaprista hinkwavo ni vakulukumba va tiko va kanela ku dlaya Yesu.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Yeremiya 8:6

Ndzi tshama ndzi yingisela kutani ndzi twa loko va vulavula, kambe a va vuli leswi lulameke; a ku na un'we la khomiwaka hi tingana hikwalaho ka ku biha ka yena, a tshamaka a ku: ‘Ndzi endle yini?’ Hinkwavo va tsutsuma kukotisa hanci leyi tsutsumelaka enyimpini.

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Swivuriso 24:23

Lawa, ma ha ri marito ya lavo tlhariha. Ku languta vanhu hi nghohe eku avanyiseni, a swi saseki.

Pisalema 52:3

U rhandza leswo biha ku tlula leswinene, Ni mavunwa ku tlula rito lero lulama.

Pisalema 38:12

Lava lavaka vutomi bya mina va ndzi rhiyela mitlhamu; Lava ndzi lavelaka swo biha, va vulavula swa lunya, Va anakanya ku kanganyisa siku hinkwaro.

Ntirho 15:16

Ngopfungopfu xi nga tsandzeka ku tshemba munhu wa thyaka la onhakeke, La nwaka ku homboloka kukotisa mati!

Estere 6:4

Hosi yi ku: “I mani la nga ehandle?” Kutani Hamani a a fikile exivandleni lexi nga exikarhi ka yindlu ya hosi, a tele ku ta kombela eka hosi leswaku ku hayekiwa Mordekayi emhandzeni leyi a n'wi lunghiseleke yona.

Estere 5:14

Zerexa, nsati wa yena, ni maxaka ya yena, va ku eka yena: “A ku yimisiwe mhandze leyo leha ya ntlhanu wa makume ya swisungunhu, kutani mundzuku, u kombela eka hosi leswaku Mordekayi a hayekiwa eka yona; kutani wena, u ta ya eswakudyeni ni hosi u tsakile.” Mhaka yoleyo yi tsakisa Hamani, kutani a lerisa leswaku ku yimisiwa mhandze.

1 SAMIELE 19:11

Kutani Sawulo a rhuma vanhu endlwini ya Davhida ku n'wi langutela ni ku n'wi dlaya nimixo. Kambe Mikala, nsati wa Davhida, a n'wi tivisa, a ku: “Loko u nga baleki vusiku lebyi, u ta dlawa nimixo.”

Swivuriso 24:2

Hikuva timbilu ta vona ti kanela ku onhaka, Ni milomu ya vona yi vulavula swo homboloka.

Yeremiya 4:22

“Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”