Pisalema 33:4 - Xitsonga (Bibele)

⁴ Hikuva rito ra Yehovha ri lulamile, Ni mitirho hinkwayo ya yena yi tshembekile;

BIBELE Mahungu Lamanene

⁴ Leswi HOSI Xikwembu xi swi vulaka, swi lulame ngopfu, xi endla hinkwaswo hi ndlela leyi tiyeke.

Pisalema 33:4 Referans Kwoze

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Pisalema 119:75

Yehovha, ndza tiva leswaku ku avanyisa ka wena ku lulamile, Ni leswaku wa tshembeka, hambi u ndzi tsongahatile.

Pisalema 19:8

Ku letela ka Yehovha ku lulamile ku tsakisa mbilu; Ku lerisa ka Yehovha ku basile, ku hanyanyisa mahlo;

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Swivuriso 30:5

Marito hinkwawo ya Xikwembu ma ringiwile efulweni, I xitlhangu eka lava chavelaka eka xona.

Pisalema 119:128

Ndzi kuma na kona, leswaku swiletelo swa wena swi lulamile eka hinkwaswo; Kutani ndzi vengile tindlela ta mavunwa.

Varhoma 7:12

Loko wu ri nawu, wa kwetsima; ni ku lerisa ka kwetsima, ku lulamile, ku sasekile.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Genesa 24:27

“A ku khensiwe Yehovha Xikwembu xa n'wini wa mina Abrahama, loyi a nga rhutelangiki ku hlayisela n'wini wa mina tintswalo ta yena, ni ku tshembeka ka yena. Na mina, Yehovha u ndzi fambisile endleleni ya mina, ekaya ka vamakwavo va n'wini wa mina.”

Mikiya 2:7

Wena, yindlu ya Yakobo, xana mbilu ya Yehovha yi hatla ku kariha-ke? Xana hi wona mukhuva wa yena-ke? Marito ya mina a ma humesi vunene eka lava fambaka hi ku lulama xana?

Pisalema 25:10

Tindlela hinkwato ta Yehovha i tintswalo ni ku tshembeka, Eka hinkwavo lava hlayisaka ntwanano wa yena ni swileriso swa yena.