Pisalema 33:2 - Xitsonga (Bibele)

² Twarisani Yehovha hi haripa, N'wi yimbeleleni hi timbila ta khume ra tingoti.

BIBELE Mahungu Lamanene

² Yi tlangeleni hi switende, mi yi tsakisa hi mpfumawulo wa tiharipa ta khume ra tingoti.

Pisalema 33:2 Referans Kwoze

Pisalema 144:9

Oho Xikwembu! Ndzi rhandza ku ku yimbelelela risimu lerintshwa, Ndzi ta ku dzunisa hi haripa ya khume ra tingoti.

Eksoda 15:20

Kutani Meriyamu, muprofeta, makwavo wa Aroni, a teka dzandzana evokweni ra yena, kutani vavasati hinkwavo va huma, va n'wi landza, va ri ni madzandzana, va cina.

Nhlavutelo 14:2

Kutani ndzi twa rito leri humaka etilweni leri fanaka ni mpfumawulo wa mati layo tala, ni mpfumawulo wa ku pfuma lokukulu ka tilo; kutani rito rero ndzi ri tweke ri fana ni rito ra lava yimbelelaka hi tiharipa loko va ba tiharipa ta vona.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Pisalema 92:3

Hi xitendze xa tingoti ta khume, ni psalteri, Ni mimpfumawulo leyi nandzikaka ya haripa.

1 TIKRONIKA 25:6

Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi.

1 TIKRONIKA 25:3

Va ka Yedutuni, vana va Yedutuni: Gedaliya, na Seri, na Yexaya, na Haxabiya, na Matitiya, na Ximeyi, ntlhanu na un'we va fambisiwa hi Yedutuni, tata wa vona la nga profeta hi haripa, ku dzunisa ni ku twarisa Yehovha.

1 TIKRONIKA 15:28

Vaisraele hinkwavo va heleketa areka ya ntwanano wa Yehovha, va ri karhi va huwelela hi ku tsaka, va pfumisa timhalamhala, ni tinanga, ni swiphambati, ni magubu, ni tiharipa.

1 TIKRONIKA 15:16

Davhida a lerisa tihosana ta Valevhi ku nghenisa vamakwavo, vayimbeleri, entirhweni, va va ni timbila, ni tiharipa, leti va fanelaka ku yimba tona hi matimba, ku kombisa ku tsaka.

2 SAMIELE 6:5

Davhida ni yindlu hinkwayo ya Israele, a va yimba emahlweni ka Yehovha hi tinxaka leto tala ta timbila, ta murhi wa kipresi, ni tiharipa, ni magupu, ni madzandzana, ni tinanga, ni swiphambati.

Pisalema 149:3

A va dzunise vito ra yena hi ku cina, A va n'wi dzunise hi mpfumawulo wa tingoma ni wa tiharipa!

Pisalema 71:22

Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Pisalema 92:4

Hikuva wa ndzi tsakisa hi mitirho ya wena, Yehovha! Ndzi va ndzi huvela hi ku tsaka mitirho ya mavoko ya wena.