Pisalema 33:11 - Xitsonga (Bibele)

¹¹ Makungu ya Yehovha ma tiyile hi laha ku nga heriki; Mianakanyo ya mbilu ya yena yi yima etinxakeni hinkwato.

BIBELE Mahungu Lamanene

¹¹ Kambe makungu ya xona ma tirha minkarhi hinkwayo, leswi xi swi anakanyaka, a swi siveriwi ni siku ni rin'we.

Pisalema 33:11 Referans Kwoze

Swivuriso 19:21

Meehleketo yo tala yi le mbilwini ya munhu, Kambe makungu ya Yehovha hi wona lama tiyeke.

Esaya 46:10

Ndzi tivisa ka ha ri eku sunguleni leswi nga ta humelela eku heteleleni, ni leswi nga siki humelelaka, ndza swi bvumbha. Makungu ya mina ma ta tiya, kutani ndzi ta endla ku rhandza ka mina hinkwako.

Ntirho 23:13

Hambiswiritano, xi ni ku anakanya kun'we ntsena, i mani la nga xi rhendzevetaka? Leswi moya wa xona wa swi rhandzaka, wu swi endla.

Yeremiya 29:11

Hikuva mina ndzi tiva mianakanyo ya mina leyi ndzi yi anakanyaka ematshan'weni ya n'wina, ku vula Yehovha, hikuva i mianakanyo yo rhula yi nga ri ya ku biha, ndzi ta mi nyika ku hetelela ka ku saseka ni ku tshemba.

Swirilo 3:37

I mani la nga ta vula mhaka, kutani yi humelela, Loko yi nga lerisiwanga hi Hosi xana?

Esaya 14:24

Yehovha wa tinyimpi u hlambanyile, a ku: “Kunene lexi ndzi xi ehleketeke xi ta endlakala, ni lexi ndzi xi kaneleke xi ta humelela.

Esaya 14:27

Hikuva Yehovha wa tinyimpi u kanerile, kutani i mani la nga alaka xana? Voko ra yena ri tshambulukile, kutani la nga ri khondlisaka i mani xana?

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Pisalema 92:5

A hi ku kula ka mitirho ya wena, Yehovha! Ni miehleketo ya wena yi entile swonghasi!

Mikiya 4:12

Kambe a ma tivi mianakanyo ya Yehovha, a ma twisisi ku tsundzuka ka yena; hikuva u ma hlengeleta kukotisa tinyandza exivuyeni.

Timhaka 15:18

ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

2 TIHOSI 19:25

“ ‘A ku swi twangi hilaha ndzi lunghiseke swilo leswi khale xana? Ndzi swi kanerile emasikwini ya khale ngopfu; sweswi ndzi swi tshika, swi humelela leswaku u endla marhumbi hi miti ya makhokholo.

Eklesiasta 3:14

Ndza swi tiva leswaku hinkwaswo leswi endliweke hi Xikwembu swi tshama hilaha ku nga heriki; a ku na xilo lexi nga engeteriwaka kona ni lexi nga susiwaka kona; kutani Xikwembu xi endla sweswo leswaku nchavo wu va kona emahlweni ka xona.