Pisalema 32:6 - Xitsonga (Bibele)

⁶ Hikwalaho, un'wana ni un'wana la ku rhandzaka U ta ku khongela hi nkarhi lowu u kumiwaka ha wona; Hambi mati lamakulu loko ma hundza, ma nga ka ma nga n'wi fikeri.

BIBELE Mahungu Lamanene

⁶ Hikokwalaho, hinkwavo lava va ku tshembaka a va ku khongele loko nkarhi wa ha ri kona. Hambiloko khombo ri va tela kukota ndhambi, a ri nga va dlayi.

Pisalema 32:6 Referans Kwoze

Esaya 55:6

“Lavani Yehovha loko a ha kumeka; huwelelani eka yena, loko a ha ri ekusuhi!

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

2 Vakorinto 6:2

Hikuva xi te: “Ndzi ku yingisile enkarhini lowu fanekeleke, ndzi ku pfunile enkarhini wa ku hanya.” Sweswi, hi wona nkarhi lowu fanekelaka; sweswi, hi rona siku ra ku hanya.

Yohane 7:34

Mi ta ndzi lava, kambe mi nga ka mi nga ndzi voni; ni laha ndzi nga kona, mi nga ka mi nga ti.”

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Pisalema 4:3

Tivani leswaku Yehovha u tihlawulele munhu la khongelaka; Loko ndzi vitana ka yena, Yehovha wa ndzi yingisa.

Pisalema 144:7

Tshambuluta mavoko ya wena, u ndzi kutsula, U ndzi humesa ematini lamakulu, U ndzi ponisa evokweni ra vana va matiko,

Pisalema 42:7

Xidziva xi vitana xidziva xin'wana hi mpfumawulo wa maboboma ya wena. Magandlati ni maboboma hinkwawo ya wena ma hundzile henhla ka mina.

Pisalema 40:3

U nghenise enon'wini wa mina risimu lerintshwa, Ku dzunisa Xikwembu xa hina. Lavo tala va swi vonile va ve ni ku chava, Kutani va tshembile Yehovha.

Tito 2:12

ti hi dyondzisa leswaku hi tshika ku sandza swa Xikwembu, ni ku navela ka misava, hi ta hanya emikarhini ya sweswi hi ku tikhoma, ni ku lulama, ni vukhongeri,

2 Vakorinto 1:4

lexi hi chavelelaka emakhombyeni hinkwawo ya hina, leswaku lava nga emakhombyeni, hambi ma ri wahi ni wahi, hi ta tiva ku va chavelela hi ku chavelela loku na hina hi chaveleriwaka hakona hi Xikwembu;

Esaya 49:8

U vula sweswo Yehovha: “Enkarhini wa tintswalo, ndzi ku yingisile, hi siku ra ku hlayiseka, ndzi ku pfunile; ndzi ku tumbuluxile, ndzi ku tiyisile leswaku u lulamisa ntwanano ni tiko, ni ku pfuxa tiko, ku nyika vanhu tindzhaka leti onhakeke,

1 Timotiya 1:16

Kambe ndzi tsetseleriwile leswaku Yesu Kriste a ta kombisa ha mina lowo rhanga xivindzi xa yena hinkwaxo, yi ta va mitila ya hinkwavo lava nga ta pfumela eka yena, leswaku va va ni vutomi lebyi nga heriki.

Pisalema 91:7

Hambi vanhu va khume ra madzana va nga wa etsheveni ra wena, Ni dzana ra madzana evokweni ra xinene ra wena, Wena, rifu ri nga ka ri nga ku tshineleri;