Pisalema 31:4 - Xitsonga (Bibele)

⁴ U ta ndzi tshunxa entlhan'wini lowu va ndzi lunghiseleke wona; Hikuva hi wena xichavelo xa mina.

BIBELE Mahungu Lamanene

⁴ Ndzi phonyokise entlhan'wini lowu ndzi rhiyiweke ha wona, hikuva hi wena u nga xisirhelelo xa mina.

Pisalema 31:4 Referans Kwoze

Pisalema 25:15

Mahlo ya mina ma languta Yehovha hi masiku, Hikuva u tshunxile milenge ya mina entlhan'wini.

Pisalema 140:5

Vatikurisi va ndzi fihlele ntlhamu ni tingoti, Va rhiya vurimba ematlhelweni ya ndlela, Va ndzi rhiyile hi marindzi.

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

Pisalema 57:6

A va rhiyile ntlhamu ehansi ka mikondzo ya mina, Moya wa mina a wu korhamile; A va cerile rindzi emahlweni ka mina: Ku wele vona eka rona.

Pisalema 19:14

Wa nga amukela marito ya nomu wa mina, Ni ku anakanya ka mbilu ya mina, Wena Yehovha, ribye ra mina ni mulweri wa mina!

Swivuriso 29:5

Munhu la hlohlotelaka warikwavo U rhiya ntlhamu emilengeni ya yena.

Pisalema 124:7

Moya wa hina wu ponile, Tanihi xindzingiri entlhan'wini wa muphasi: Ntlhamu wu tshovekile, kutani hina hi chupukile.

Pisalema 35:7

Hikuva va lunghisile exihundleni ntlhamu ku ndzi phasa mahala, Va cerile rindzi ku rindzela vutomi bya mina mahala.

2 Vakorinto 12:9

Kambe Hosi yi te eka mina: “Tintswalo ta mina ti ku ringene; hikuva matimba ya mina ma endlakala eku tsaneni.” Hikwalaho ndzi rhandza ku tidzunisa eku tsaneni ka mina, matimba ya Kriste ma ta tshama eka mina.

Pisalema 18:3

Ndzi huwelela, ndzi ku: “Yehovha a a vongiwe!” Kutani ndzi lweriwa eka valala va mina.

Pisalema 23:3

U hanyisa moya wa mina, U ndzi fambisa etindleleni leto lulama, Hikwalaho ka vito ra yena.