Pisalema 31:21 - Xitsonga (Bibele)

²¹ A ku dzuniwe Yehovha! Hikuva u ndzi kombisile nsovo wa yena, Kukotisa loko ngi ndzi vekiwe ekhokholweni.

BIBELE Mahungu Lamanene

²¹ Ndza ku nkhensa we HOSI: U ndzi kombile rirhandzu ra wena hi ndlela yo hlamarisa, hikuva a ndzi rhendzeriwe hi valala kukota muti lowu hlaseriwaka.

Pisalema 31:21 Referans Kwoze

Pisalema 17:7

Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Yeremiya 1:18

Languta, namuntlha, mina ndzi ku endla muti wa khokholo, ni mhandze ya nsimbhi, ni rirhangu ra koporo emahlweni ka tiko hinkwaro, ni le mahlweni ka tihosi ta Yuda, ni le mahlweni ka vakulukumba va kona, ni le mahlweni ka vaprista va kona, ni le mahlweni ka vanhu va tiko.

Pisalema 118:23

Leswo swi endliwe hi Yehovha; I singita emahlweni ka hina.

Pisalema 98:1

Yimbelelelani Yehovha risimu lerintshwa, Hikuva u endlile swilo leswi hlamarisaka; Voko ra yena ra xinene lero kwetsima ri n'wi pfunile.

Ntirho 5:21

U ta sirheliwa eku biweni ka ririmi, U nga ka u nga chavi ku onhaka loko ku fikile.

Pisalema 27:5

Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.