Pisalema 31:16 - Xitsonga (Bibele)

¹⁶ Tsuvukisa mombo wa wena ehenhla ka nandza wa wena, U ndzi ponisa hi nsovo wa wena.

BIBELE Mahungu Lamanene

¹⁶ Ndzi nandza wa wena; ndzi langute hi tintswalo, u ndzi ponisa hi rirhandzu ra wena lero tshembeka.

Pisalema 31:16 Referans Kwoze

Pisalema 4:6

Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Pisalema 6:4

Tlhela, Yehovha! U tshunxa moya wa mina; U ndzi ponisa hikwalaho ka tintswalo ta wena.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Pisalema 80:3

Oho Xikwembu, u tlhela u hi akisa, U vonakisa mombo wa wena kutani hi ta ponisiwa!

Varhoma 9:15

Hikuva xi te eka Muxe: “Ndzi ta tsetselela loyi ndzi n'wi tsetselelaka, ndzi ta twela vusiwana loyi ndzi n'wi twelaka vusiwana.”

Pisalema 80:19

Yehovha, Xikwembu xa tinyimpi, hi pfuxe! U vonakisa mombo wa wena, kutani hi ta ponisiwa!

Pisalema 80:7

Oho! Xikwembu xa tinyimpi, u tlhela u hi akisa, U vonakisa mombo wa wena, kutani hi ta ponisiwa.

Pisalema 67:1

Xikwembu a xi hi tsetselele, a xi hi katekise, A xi vonakarise mombo wa xona ehenhla ka hina,

Pisalema 51:1

Oho Xikwembu! Ndzi twele vusiwana hi tintswalo ta wena; Hi musa lowukulu wa wena, hlangula swidyoho swa mina.

Pisalema 30:7

Yehovha! Hi tintswalo ta wena, u tiyisile ntshava ya mina; Kambe u fihle mombo wa wena, kutani ndzi kanakana.

Varhoma 9:23

leswaku xi twarisa hi vukulu bya ku kwetsima ka xona etimbiteni ta ku tsetseleriwa, leto ingi xi ti lunghisele ku kwetsima, ka ha ri eku sunguleni;

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Pisalema 3:8

Ku hlayiseka ku huma eka Yehovha; Ku kateka ka wena a ku ve ehenhla ka tiko ra wena.