Pisalema 31:15 - Xitsonga (Bibele)

¹⁵ Mikarhi ya mina yi le vokweni ra wena; Ndzi tshunxe emavokweni ya valala va mina, ni ya lava ndzi xanisaka.

BIBELE Mahungu Lamanene

¹⁵ Minkarhi hinkwayo ndzi hlayisiwa hi wena, hikokwalaho ndzi kutsule emavokweni ya valala va mina ni ya lava va ndzi xanisaka!

Pisalema 31:15 Referans Kwoze

Timhaka 1:7

A ku eka vona: “A swi mi fanelangi ku tiva tinguva, hambi yi ri mikarhi leyi Tatana a tihlawuleleke yona hi vukulukumba bya yena ntsena;

Yohane 17:1

Kuteloko Yesu u vurile timhaka leti, a tlakusela mahlo ya yena ehenhla, a ku: “Tatana, nkarhi wu tile, dzunisa N'wana wa wena, leswaku N'wana wa wena a ku dzunisa na yena;

Yohane 7:6

Hilaha Yesu a nga ku eka vona: “Nkarhi wa mina a wu si fika; kambe nkarhi wa n'wina wu kona hi masiku.

Pisalema 142:6

Yingisa ku vilela ka mina! Hikuva ndzi ni masangu lamakulu. U ndzi kutsula eka vaxanisi va mina, Hikuva va ndzi tlula hi matimba.

Ntirho 24:1

“Mikarhi leyi vekiweke a yi hlayisiwi hi Lowa matimba hinkwawo xana? Lava n'wi chavaka a va tivi ha yini masiku ya yena xana?

2 Timotiya 4:6

Hikuva, loko ndzi ri mina, ndzi kotisa mhamba leyi humesiwaka egandzelweni, kutani nkarhi wa ku suka ka mina wu le kusuhi.

Pisalema 143:9

Yehovha, ndzi kutsule ka valala va mina! Ndzi chavela eka wena.

Pisalema 143:3

Nala u xanisa moya wa mina, U kandziyile vutomi bya mina ehansi; U ndzi susumetele emunyameni kukotisa lava feke khale.

2 SAMIELE 7:12

Kutakuloko masiku ya wena ma herile, ni loko u etlerile ni vatata wa wena, ndzi ta pfuxa endzhaku ka wena mbewu leyi nga ta huma eswifungheni swa wena, kutani ndzi ta tiyisa vuhosi bya yona.

1 SAMIELE 26:10

Davhida a ku: “Yehovha wa hanya! I Yehovha ntsena a nga ta n'wi ba, hambi siku ra ku fa ka yena ri fika, kumbe loko a ya eku lweni a dlawa kona!

2 Petro 1:14

Hikuva ndza swi tiva leswaku ku rhurha ka mina entsongeni lowo, ku kusuhi, tanihi leswi Hosi ya hina, Yesu Kriste, a nga ndzi kombisa, na yena.

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Yohane 12:27

“Sweswi, moya wa mina wa vaviseka; kutani ndzi to yini? ‘Tatana, ndzi ponise enkarhini lowu’? Kambe hi wona nkarhi lowu ndzi teleke wona.

Yohane 7:30

Kutani va lava ku n'wi khoma; kambe a ku vanga na munhu la tlakuseke voko ehenhla ka yena, hikuva nkarhi wa yena a wu nga si ta.

Luka 9:51

Kakuloko nkarhi wa ku tlakusiwa ka yena wu lava ku fika, a tiyisa mombo wa yena ku ya Yerusalema.

Pisalema 143:12

Hi tintswalo ta wena, lovisa valala va mina, Herisa hinkwavo lava xanisaka moya wa mina! Hikuva ndzi nandza wa wena.

Pisalema 116:15

Ri ni risima eka Yehovha, Rifu ra varhandziwa va yena.

Pisalema 17:13

Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

Timhaka 23:11

Evusikwini lebyi tlhandlamaka, Hosi yi tikombisa eka yena, yi ku: “Tiyisa mbilu, Pawulo, hikuva kukotisa leswi u vuleke vumbhoni bya timhaka ta mina eYerusalema, swi fanele leswaku u vula vumbhoni bya tona ni ti le Rhoma.”

Eksoda 40:37

Kambe loko papa ri nga tlakuki, a va nga suki ku fikela siku leri papa ri tlakukaka ha rona.

2 TIKRONIKA 14:10

Asa a huma nyimpi ku ya hlangana na yena, kutani va tilunghisela ku lwa enkoveni wa Sefata, ekusuhi na Marexa.

Pisalema 25:2

Xikwembu xanga! Ndzi vekile ku tshemba ka mina eka wena; Ndzi nga tshuki ndzi khomiwa hi tingana. Lava nga valala eka mina, va nga tshuki va tsaka ha mina!

Pisalema 91:2

Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

Pisalema 140:7

Yehovha, Hosi, u matimba ya ku hlayiseka ka mina! U lwela nhloko ya mina hi siku ra nyimpi.

Esaya 25:1

Oho Yehovha! U Xikwembu xa mina, ndzi ta ku dzunisa; ndzi ta twarisa vito ra wena, hikuva u endlile leswi hlamarisaka. Makungu ya wena ya khale ma tshembeka, ma tiyile.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!